ట్రెండింగ్
సంగీతమంటే ఆ కుక్కకు ప్రాణమటా..అందుకే అలా
national | Suryaa Desk | Published : Fri, Aug 12, 2022, 08:45 PM
సంగీతానికి రాళ్లుకూడా కరుగుతాయన్నమాటకు మంచి ప్రాచుర్యముంది. అలాంటిది సంగీతానికి కుక్క ఫిదా అవ్వడం పెద్ద విషయమేమీ కాదు. కానీ అదే కుక్క సంగీతం వాయించే ప్రయత్నం చేస్తే మాత్రం కాస్త ఆసక్తిగానే ఉంటుంది. అది ఒక బార్. వీధి కుక్క ఒకటి అక్కడకు వచ్చింది. బార్ అంటే సంగీత కార్యక్రమం ఉంటుందని తెలుసు కదా. అదే సమయంలో బార్ లో ఓ వ్యక్తి గిటార్ వాయిస్తున్నాడు. అది ఆ కుక్కకు బాగా నచ్చేసింది. దీంతో గిటార్ వాయిస్తున్న వ్యక్తి వద్దకు వచ్చి నేలపై కూర్చుని శ్రద్ధగా వింది. అంతేకాదు.. రెండు కాళ్లపై లేచి నిలబడి చేతులతో గిటార్ వాయించే ప్రయత్నం చేయడం చూసే వారికి ఆనందాన్నిస్తుంది. ఆశ్చర్యం కలిగిస్తుంది. ట్విట్టర్ లోకి ఈ వీడియో చేరిపోవడంతో మంచి స్పందన వస్తోంది. ఇది ఎక్కడి బార్ లోని దృశ్యమో వెల్లడి కాలేదు కానీ, దీన్ని చూసిన వారు కూడా వినూత్నంగా స్పందిస్తున్నారు.
|
|