'బ్యాడ్ బాయ్ కార్తీక్' లోని అమెరికా నుండి వచ్చాను సాంగ్ రిలీజ్
cinema | Suryaa Desk | Published : Wed, Oct 01, 2025, 05:19 PM
రామ్ దేశిన దర్శకత్వంలో టాలీవుడ్ యువ నటుడు నాగ శౌర్య ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ యాక్షన్-ప్యాక్డ్ ఎంటర్టైనర్ కి 'బ్యాడ్ బాయ్ కార్తీక్' అనే టైటిల్ ని లాక్ చేసారు. ఈ చిత్రం టైటిల్ మరియు ఫస్ట్ లుక్ కి భారీ స్పందన లభించింది. ఈ చిత్రంలో విధి మహిళా ప్రధాన పాత్రలో నటించింది. సముద్రకని, సీనియర్ నరేష్, సాయికుమార్, వెన్నెల కిషోర్, మైమ్ గోపి మరియు శ్రీదేవి విజయ్కుమార్ ఈ సినిమాలో కీలక పాత్రలో నటిస్తున్నారు. తాజాగా ఇప్పుడు మూవీ మేకర్స్ ఈ సినిమాలోని థర్డ్ సింగిల్ ని అమెరికా నుండి వచ్చాను అనే టైటిల్ తో విడుదల చేసినట్లు ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో స్పెషల్ పోస్టర్ ని విడుదల చేసింది. ఈ సినిమాకి రసూల్ ఎల్లోర్ సినిమాటోగ్రఫీని నిర్వహిస్తున్నారు. రామాంజనేయులు కళా దర్శకత్వం వహిస్తుండగా, కోటగిరి వెంకటేశ్వరరావు ఎడిటర్గా వ్యవహరిస్తున్నారు. శ్రీ వైష్ణవి ఫిలింస్ పతాకంపై శ్రీనివాసరావు చింతలపూడి ఈ చిత్రాన్ని నిర్మించారు. హారిస్ జయరాజ్ ఈ చిత్రానికి సంగీత స్వరకర్తగా ఉన్నారు.
|
|