త్వరలో రోజా వారసురాలు అన్షూ తెరంగేట్రం?
cinema | Suryaa Desk | Published : Mon, Sep 23, 2019, 03:36 AM
సినిమాలకు విరామం ఇచ్చి అటుపై బుల్లితెరపైనా హోస్ట్ గా పలు కార్యక్రమాల్ని విజయవంతంగా నిర్వహించిన నటి, శాసనభ్యురాలు ఏపిఐఐసి చైర్పర్శన్ రాజకీయంగా బిజీ బిజీగా ఉండటంతో దాదాపు సినిమాలకు స్వస్థి చేప్పినట్టేనని ఆమె సన్ని హిత వర్గాల టాక్. అయితే గతంలొ బాల నటిగా తన కుమార్తె అన్షు మాళికను తెరపైకి తీసుకువచ్చేందుకు యత్నించిన రోజా అప్పట్లో విఫలమైనా, తాజా పరిస్థితులు కలసి వస్తాయని భావిస్తోంది. దీంతో తన నట వారసురాలు సినీఆరంగేట్రం షురూ చేసినట్టు సమాచారం. 2019 ఎన్నికల్లో గెలిస్తే కుమార్తెను వెండి తెరకు పరిచయం చేస్తానని రోజా తన సన్నిహితుల వద్ద చెప్పుకున్నారట. తాజాగా అన్షు వయసు ఇప్పటికే 16. ఇక కథానాయికగా ఆరంగేట్రం చేసేందుకు సమయం ఆసన్నమైందని భావించి పలువురు నిర్మాతలకు అన్షూ ఫోటో ఆల్బమ్లని పంపారట రోజా. రోజాను మించిన స్పార్క్ తో పాటు తండ్రి పెద్ద దర్శకుడు కూడా కావటం ఆతని కనుసన్నలోనే అన్షూ శిక్షణ అందుకుందని, ఇక అవకాశాలు రావటమే తరువాయన్న మాట ఇటు ఫిలింనగర్లోనూ వినవస్తోంది. ఇటీవలే ఓ నిర్మాత, రచయితను తీసుకుని మణికొండలోని రోజా సన్నిహితుల ద్వారా ఆమెను కలసి కథ వినిపించినట్టు తెలియవచ్చింది. దీనిని విన్న రోజా దంపతులు పలు సూచనలు చేసి, మార్చుకుని తీసుకురావాలని సూచించడంతో ఇప్పుడా రచయిత అదే పనిలో ఉన్నాడట. మరి అన్షూ వెండితెర పరిచయం ఈ ఏడాదే జరగొచ్చన్న మాట కూడా వినిపిస్తోంది. మరేం జరగనుందో చూద్దాం.
|
|