మళ్లీ బిగ్ బాస్ హౌస్లోకి రాహుల్ ఎంట్రీ...కౌగిలింతలతో పునర్నవి
cinema | Suryaa Desk | Published : Mon, Sep 23, 2019, 02:30 PM
నిన్నటి ఎపిసోడ్లో ఇంటిసభ్యులు చేసిన సందడి అంతా ఇంతా కాదు.. ఒకవైపు వారి డాన్స్లతో షోను హోరెత్తించగా మరోవైపు గద్దలకొండ గణేష్ ఎంట్రీతో ఎపిసోడ్ మరింత హుషారుగా సాగింది. అతిథిగా వచ్చిన వరుణ్తేజ్ హిమజ ఎలిమినేట్ అయినట్లుగా ప్రకటించగా ఆమె కన్నీటితో వీడ్కోలు పలికింది. ‘మళ్లీ నీకు బిగ్బాస్ ఇంట్లోకి వెళ్లే అవకాశం వస్తే ఏం చేస్తావు’ అని కింగ్ నాగార్జున అడిగిన ప్రశ్నకు వెళ్లే ప్రసక్తే లేదని హిమజ నిర్మొహమాటంగా చెప్పింది. ‘ఒక్కసారి బయటకు వచ్చాక మళ్లీ ఇంట్లోకి వెళ్లడం ఫేర్ కాదు, అది వన్టైమ్ డ్రీమ్ మాత్రమే’ అని ముక్కుసూటిగా సమాధానమిచ్చి అందరినీ ఆశ్చర్యపరిచింది.
ఇదిలా ఉంటే.. సోమవారం ఎపిసోడ్కి సంబంధించిన ప్రోమోను విడుదల చేశారు స్టార్ మా. ఇందులో రాహుల్ సిప్లిగంజ్ మళ్లీ బిగ్ బాస్ హౌస్కి హీరో మాదిరి గొడగు పట్టుకుని రీ ఎంట్రీ ఇస్తున్నాడు. అతని రాకకోసం ఎదురు చూస్తున్న పునర్నవి అతని గొంతు విని ఆనందంతో పొంగిపోతుంటే.. ఎదురుగా రాహుల్ ప్రత్యక్షమయ్యే సరికి అతన్ని కౌగిలింతలతో ఉక్కిరిబిక్కిరి చేసేస్తోంది.
|
|