రేపు విడుదల కానున్న శివరాజ్కుమార్ నూతన చిత్ర ఫస్ట్ లుక్ పోస్టర్
cinema | Suryaa Desk | Published : Mon, Oct 20, 2025, 05:20 PM
'జైలర్', 'కెప్టెన్ మిల్లర్' వంటి చిత్రాలతో తెలుగు ప్రేక్షకులకు ఎంతగానో దగ్గరైన కన్నడ స్టార్ హీరో శివరాజ్కుమార్ తన కొత్త సినిమాను ప్రకటించారు. ఆయన కథానాయకుడిగా 'ప్రొడక్షన్ నెం. 1' పేరుతో ఓ ఆసక్తికర ప్రాజెక్టు పట్టాలెక్కుతోంది. ఈ చిత్రానికి సంబంధించిన ఫస్ట్ లుక్ కాన్సెప్టువల్ మోషన్ పోస్టర్ను మంగళవారం (అక్టోబర్ 21) సాయంత్రం 4:33 గంటలకు విడుదల చేయనున్నట్లు చిత్రబృందం అధికారికంగా వెల్లడించింది. ఈ మేరకు సోషల్ మీడియాలో చేసిన ప్రకటన సినీ అభిమానుల్లో ఆసక్తిని రేపుతోంది."ఊహించని దాన్ని చూసేందుకు సిద్ధంగా ఉండండి. కౌంట్డౌన్ మొదలైంది" అంటూ చిత్ర నిర్మాణ సంస్థ చేసిన ప్రకటన సినిమా కాన్సెప్ట్పై అంచనాలను పెంచుతోంది. ఈ చిత్రానికి పరమేశ్వర్ హివ్రాలే దర్శకత్వం వహించనున్నారు. ప్రవల్లిక ఆర్ట్స్ క్రియేషన్స్ పతాకంపై ఎన్. సురేశ్ రెడ్డి ఈ సినిమాను నిర్మిస్తున్నారు. ఇంకా పేరు ఖరారు చేయని ఈ ప్రాజెక్టులో సాంకేతిక నిపుణులుగా సత్యగిడుతూరి, సతీష్ ముత్యాల పనిచేయనున్నట్లు తెలిపారు.ఇటీవల కాలంలో తన పవర్ఫుల్ నటనతో భాషతో సంబంధం లేకుండా అభిమానులను సంపాదించుకున్న శివన్న, ఈ కొత్త ప్రాజెక్టుతో ఎలాంటి కథాంశాన్ని ఎంచుకున్నారనే దానిపై సర్వత్రా ఆసక్తి నెలకొంది. రేపు విడుదల కానున్న మోషన్ పోస్టర్తో సినిమా జానర్, ఇతర వివరాలపై ఒక స్పష్టత వచ్చే అవకాశం ఉంది.
|
|