నా దర్శక నిర్మాతలకు రుణపడి ఉంటా : బిపాసా బసు
cinema | Suryaa Desk | Published : Thu, Sep 26, 2019, 01:07 PM
మోడలింగ్ రంగం నుంచి వచ్చి సినీ కెరీర్ ఆరంభించిన ఈ సెక్సీ గాళ్ బాలీవుడ్ లో ఓ రేంజ్ అందాలు ఆరబోసి, హారర్ క్వీన్గా బాలీవుడ్లో గుర్తింపు తెచ్చుకుంది బిపాసా బసు.అజ్నబీ చిత్రంతో తెరంగేట్రం చేసిన బిపాసా…నాయికగా 18 ఏళ్ల నట ప్రయాణం పూర్తి చేసుకుంటోంది. తొలి చిత్రంతోనే ఫిల్మ్ ఫేర్ బెస్ట్ ఫీమేల్ డెబుట్ పురస్కారం అందుకుంది. రాజ్తో తొలిసారి భయానక చిత్రంలో నటించింది బిపాసా. ఈ సినిమా ఘన విజయాన్ని సాధించి బిపాసాకు బాగా పేరు తీసుకొచ్చింది. జిస్మ్, కార్పొరేట్, నో ఎంట్రీ, ఫిర్ హేరా పేరీ, ధూమ్ 2, రేస్, రాజ్ త్రీడీ లాంటి సినిమాలు బిపాసాను అగ్రతారను చేశాయి. ఇక ఆమె వరుసగా ఆత్మ, క్రియేచర్ త్రీడీ, అలోన్ సినిమాలు చేసి నాయికగా తన ప్రత్యేకత చూపించుకుంది. నటుడు కరణ్ సింగ్ గ్రోవర్ ను 2016లో పెళ్లి చేసుకుంది బిపాసా. నటిగా పద్దెనిమిదేళ్లు పూర్తి చేసుకున్న బిపాసా…తనను చేతులు చాచి పరిశ్రమకు ఆహ్వానించిన వాళ్లందరికీ కృతజ్ఞతలు తెలిపింది. ఆమె స్పందిస్తూ…ప్రేక్షకులు నన్ను తమ హృదయాల్లో చేర్చుకున్నారు. అద్భుతమైన నా నట ప్రయాణానికి గర్విస్తున్నా. ఇన్నేళ్లలో నేను నాలాగే ఉన్నా, నాకు నచ్చినట్లే సినిమాలు చేశాను, దేన్నైనా సొంతంగా సాధించాను. నా దర్శక నిర్మాతలకు రుణపడి ఉంటాను. అని పేర్కొంది.
|
|