'నిశ్శబ్దం' తో అనుష్క దసరా కి రెడీ ?
cinema | Suryaa Desk | Published : Thu, Sep 26, 2019, 01:09 PM
అనుష్క 'భాగమతి' తర్వాత చాలా గ్యాప్ తీసుకున్న ఎట్టకేలకు 'నిశ్శబ్దం' అనే ప్రయోగాత్మక సినిమాతో రెడీ అవుతోంది. లేటెస్ట్ గా విడుదలైన ఫస్ట్ లుక్ తో సినిమా కాన్సెప్ట్ ఎంటనేది తెలిపిన యూనిట్ ప్రస్తుతం సినిమాకు సంబంధించి టీజర్ తో మరింత క్లారిటీ ఇచ్చే పనిలో ఉంది. అన్నీ కుదిరితే దసరా కి టీజర్ రిలీజ్ చేసే ప్లాన్ లో ఉన్నారు. ఆ మధ్య మంచు విష్ణుతో 'వచ్చాడు నారాజు' సినిమా చేసిన హేమంత్ మధుకర్ ఈ సారి తన కొత్త కాన్సెప్ట్ తో ప్రేక్షకులను కొత్తగా అలరించాలని చూస్తున్నాడు. అందుకే కథ కోసం చాలా టైం తీసుకున్నాడు. హేమంత్ కథ నచ్చడం వల్లే అనుష్క తో పాటు మాధవన్ కూడా ఈ సినిమా ఒప్పుకున్నారు. ఈ సినిమా కంటే ముందే అనుష్క చాలా కథలు విన్నప్పటికీ ఈ కాన్సెప్ట్ తనకు యాప్ట్ అని ఫిక్సయి సినిమా చేస్తుంది. అనుష్క మ్యూట్ ఆర్టిస్ట్ గా నటిస్తున్న ఈ సినిమాలో హాలీవుడ్ నటుడు మైకేల్ ఓ పాత్రలో కనిపించబోతున్నాడు. యూ ఎస్ లో జరిగిన షెడ్యూల్ తో దాదాపు షూటింగ్ పూర్తయిందని తెలుస్తుంది. ప్యాచ్ వర్క్ మినహా టోటల్ షూటింగ్ పూర్తయిందని సమాచారం. మరి ఈ ప్రయోగాత్మక సినిమాతో అనుష్క ఎంత వరకూ నెట్టుకొస్తుందో ఎలాంటి హిట్ అందు కుంటుందో చూడాలి.
|
|