`3 మంకీస్` టీజర్‌ను లంచ్ చేసిన వెంకటేష్..

జబర్దస్త్ సుడిగాలి సుధీర్, ఆటో రాంప్రసాద్, గెటప్ శ్రీనుతో కలిసి చేస్తున్న సినిమా 3 మంకీస్. ఈ సినిమాకు సంబంధించిన టీజర్‌ను తాజాగా హీరో వెంకటేష్ చేతులు మీదుగా ప్రారంభించారు. కొత్త దర్శకుడు అనిల్ దర్శకత్వంలో 3 మంకీస్ సినిమా చేస్తున్నారు.  రూ.50వేలకు సన్నీలియోన్ ని బుక్ చేసిన కోతులు..! ఔను ఇది నిజమే. అయితే ఇంతకీ ఎవరా కోతిగాళ్లు అంటారా?  వివరంగా తెలుసుకోవాల్సిందే. జబర్ధస్త్ కమెడియన్లు ఇటీవల పెద్ద తెరపైనా అవకాశాలు అందుకుంటున్నారు. కొందరు హీరోలు అయిపోతుంటే కొందరు కమెడియన్లుగా పెద్ద రేంజు సినిమాల్లోనే అవకాశాలు అందుకుంటున్నారు.  షకలక శంకర్.. చమ్మక్ చంద్ర లాంటి కమెడియన్లు జబర్దస్త్ లో ఫేమస్ అయ్యి తర్వాత హీరోలయ్యారు. సొంతంగా సినిమాలు నిర్మించేందుకు పెట్టుబడులు పెడుతున్నారని వార్తలొస్తున్నాయి. తాజాగా వీళ్ల వారసుడు సుడిగాలి సుధీర్ కూడా అదే బాటలోకి వచ్చేశాడు. కొలీగ్స్  ఆటో రాంప్రసాద్- గెటప్ శ్రీనులతో కలిసి సుధీర్ చేస్తున్న తాజా సినిమా `3 మంకీస్`. అనిల్ దర్శకత్వంలో ఈ సినిమా తెరకెక్కుతోంది.  పేరుకు తగ్గట్టు ఈ సినిమాలో మూడు కోతులు ఉన్నాయి. తాజా ట్రైలర్ లో ఆ ముగ్గురిని సంతోష్- ఆనంద్- ఫణి పేర్లతో పరిచయం చేయడం.. ఆ ముగ్గురు బ్యాచిలర్లు బీర్ పార్టీలు చేసుకోవడం.. అమ్మాయిని బుక్ చేసుకుని రూమ్ కి రప్పించడం టీజర్ లో ఫన్నీగా ఆకట్టుకుంది. ఇంతకీ రూమ్ కి వచ్చిన ఆ అమ్మాయి ఎవరో తెలుసా?  శృంగార తార సన్నీలియోన్..  ప్చ్.. సన్నీలియోన్ అనుకుని పిలిచారు. పైగా రూ.50 వేలు చెల్లించారు మరి. ఇక సన్నీలియోన్ దెబ్బకు ఆ ముగ్గురికి ఏమైంది? అన్నదే ట్రైలర్ చివరిలో ట్విస్టు. మూడు కోతుల ఆగడాలు.. బాగానే వర్కవుటైంది. ఆ ముగ్గురు చేసే కోతి పనులు ఆకట్టుకున్నాయి. బీర్ పార్టీలు.. చిందులు.. దింక్ చక్ దింక్ చక్ ప్రోగ్రామ్ వగైరా ట్రైలర్లో హైలైట్ గా నిలిచాయి. దీంతో ఈ ట్రైలర్ నెట్టింట వైరల్ అవుతోంది. అన్నట్టు ట్రైలర్ లో ఉన్నంతా సినిమా ఆద్యంతం ఉంటుందంటారా? అన్నది ఇప్పటికైతే సస్పెన్స్. చాలా సినిమాలు ట్రైలర్లు ఆకట్టుకున్నా.. చివరిగా సినిమాలో మ్యాటర్ లేదని తేలిపోతోంది. అలాంటి ప్రయత్నం కాదని ప్రూవ్ చేస్తారేమో చూడాలి.