మధ్య తరగతి కుటుంబానికి నెలకు సమానం: ప్రభాస్ డిన్నర్ ఖర్చు విన్నారా?

రెబల్ స్టార్ ప్రభాస్ ఒక గొప్ప భోజన ప్రియుడు అని అందరికీ తెలుసు. తినడంలో మాత్రమే కాదు, ఇచ్చే విషయంలో కూడా ఆయన ఎప్పుడూ ముందుంటారు.తన ఇంటికి వచ్చిన అతిథులకు భారీగా, పొట్ట పగిలేలా భోజనం పెట్టి పంపించడం ప్రభాస్ అలవాటు. ఈ అలవాటు ఆయన పెద్దనాన్న కృష్ణంరాజు నుండి వచ్చిందని చెప్పారు. షూటింగ్ సెట్స్‌లో కూడా ప్రభాస్ తన సహనటులకు వివిధ రకాల వంటకాలతో పొట్ట పగిలేలా భోజనం అందిస్తాడు. ఇంతకీ, ఒక భోజనాన్ని పది మంది తినగలిగే మొత్తంలో సిద్ధం చేసి, ఒక్కరికే పంపించడం ఆయన ప్రత్యేకత.కల్కి సినిమా ప్రమోషన్లలో హీరోయిన్ దీపికా పదుకొనే గర్భవతిగా ఉన్నప్పటికీ, ప్రభాస్ ఇచ్చే ఫుడ్ గురించి ఫన్నీ సెటైర్లు వేసింది. “ప్రభాస్ ప్రతీ రోజు షూటింగ్‌లో నాకు కోసం తీసుకొస్తున్న ఆహారం తినడం వల్ల నా పొట్ట ఇలా అయిపోయింది” అని కామెంట్ చేసింది.ఇదంతా పక్కన పెడితే, ప్రభాస్ ఎంత భోజన ప్రియుడు అనేది రీసెంట్ ఇంటర్వ్యూలో కూడా చెప్పారు. ఆయన మాట్లాడుతూ:“ప్రతి ఒక్కరూ నేను తినే ఆహారం గురించి తెలుసుకోవాలని అనుకుంటారు. ఒక ఆసక్తికర విషయం చెప్పాలంటే, అప్పుడప్పుడు నేను షూటింగ్ లొకేషన్స్‌కు వేరే రాష్ట్రాల నుండి ఫుడ్ ఆర్డర్ పెడుతుంటాను. ‘ఆది పురుష్’ షూటింగ్ సమయంలో నేను ముంబైలో ఉన్నప్పుడు చెన్నై నుండి ఫుడ్ ఆర్డర్ పెట్టాను. మా టీమ్ అందరూ షాక్ అయ్యారు. ఫుడ్ ఫ్లైట్‌లో చేరి వచ్చి, ‘మీరు సామాన్యులు కాదు బాబోయ్’ అని చెప్పాను” అని ప్రభాస్ చెప్పాడు.కొన్నిసార్లు ప్రభాస్ డిన్నర్ కోసం 30,000 నుండి 1,00,000 రూపాయిల వరకు ఖర్చు చేస్తారు. అంటే, ఒక సాధారణ మధ్యతరగతి కుటుంబం నెలంతా సంపాదించే డబ్బు ప్రభాస్ ఒక్క డిన్నర్ కోసం ఖర్చు చేస్తాడు. ఇంత రాయల్‌గా బ్రతకే హీరో ఇండియాలో కొంచెం అరుదు అని సోషల్ మీడియాలో నెటిజెన్స్ కామెంట్లు చేస్తున్నారు.ప్రభాస్ ప్రస్తుతం ‘ఫౌజీ’ మూవీ షూటింగ్‌లో ఫుల్ బిజీగా ఉన్నాడు. ఈ చిత్రాన్ని ఈ ఏడాది దసరా కానుకగా రిలీజ్ చేయాలని చిత్రబృందం భావిస్తోంది.