Tollywood షాకింగ్ స్టోరీ: చిరంజీవి స్థానం కోసం రేసులో ఉన్న హీరో ఎవరు?

సీనియర్ నటుడు, నిర్మాత జీవీ నారాయణరావు తన దీర్ఘకాల సినీ ప్రయాణాన్ని, అలాగే మెగాస్టార్ చిరంజీవితో ఉన్న అనుబంధాన్ని ఒక ఇంటర్వ్యూలో ఆసక్తికరంగా పంచుకున్నారు. చిరంజీవితో కలిసి ఆయన తొలిసారిగా నటించిన చిత్రం ‘కుక్క కాటుకి చెప్పు దెబ్బ’ అని తెలిపారు.ఆ తరువాత వీరిద్దరూ కలిసి నటించిన ‘చట్టానికి కళ్ళు లేవు’ చిత్రం ఘన విజయాన్ని సాధించింది. పూర్ణచంద్రరావు నిర్మించిన ఈ సినిమా హిందీలో ‘అంధా కానూన్’ పేరుతో రీమేక్ అయింది. తెలుగు వెర్షన్‌లో నారాయణరావు పోషించిన పాత్రను హిందీలో అమితాబ్ బచ్చన్ చేయగా, చిరంజీవి చేసిన పాత్రను రజనీకాంత్ పోషించారు. తన పాత్ర బలంగా నచ్చడంతోనే అమితాబ్ హీరో పాత్రను వదిలి ఆ క్యారెక్టర్‌ను ఎంచుకున్నారని నారాయణరావు గుర్తుచేసుకున్నారు.తన తల్లి పేరుతో ‘దమయంతి ఆర్ట్ పిక్చర్స్’ బ్యానర్‌ను స్థాపించిన నారాయణరావు, ‘దేవాంతకుడు’ చిత్రాన్ని నిర్మించారు. ఈ సినిమాతో చిరంజీవి, విజయశాంతి తొలిసారిగా జంటగా నటించారు. ఇందులో లీడ్ పాత్రను తానే పోషించానని ఆయన చెప్పారు. ఈ సినిమా విజయానంతరం చిరంజీవి తనకు కథల ఎంపిక బాధ్యతను కూడా అప్పగించారని వెల్లడించారు.తర్వాత ‘యముడికి మొగుడు’ చిత్రాన్ని సుధాకర్, హరిప్రసాద్‌లతో కలిసి ముగ్గురు భాగస్వాములుగా నిర్మించారు. ఆ ఇద్దరికి నిర్మాణ అనుభవం లేకపోవడంతో, ఈ ప్రాజెక్ట్‌లో భాగస్వామిగా ఉండాలని చిరంజీవే స్వయంగా తనను కోరారని నారాయణరావు తెలిపారు.నారాయణరావు కుటుంబానికి సినీ రంగంతో అనుబంధం చాలా కాలం నాటిదే. ఆయన తండ్రి దుర్గా ప్రసాదరావు (జె.డి. ప్రసాదరావు) ప్రముఖ డిస్ట్రిబ్యూటర్‌గా పేరుగాంచారు. ‘నవయుగ ఫిల్మ్స్’, ‘నవయుగ విడుదల’ వంటి సంస్థలు వారి కుటుంబానికి చెందినవే. అదనంగా, సారథి స్టూడియోస్‌కు కూడా ఆయన తండ్రి మేనేజింగ్ డైరెక్టర్‌గా సేవలందించారు.నారాయణరావు బావ గారపాటి సాంబశివరావు ‘త్రిమూర్తి ప్రొడక్షన్స్’ పతాకంపై కృష్ణతో కలిసి 13 సినిమాలు నిర్మించారు. అలాగే ఆయన తండ్రి ‘అన్నదమ్ముల సవాల్’, ‘ఇద్దరూ అసాధ్యులే’ వంటి చిత్రాలను నిర్మించారు. ఈ సినిమాల్లో కృష్ణ, రజనీకాంత్ కలిసి నటించడం విశేషం.