నిఖిల్‌తో అఫైర్ గురించి స్వాతి ఏం చెప్పింది అంటే

ఓ టెలివిజన్ చానెల్లో కలర్స్ కార్యక్రమంతో బాలయాంకర్‌గా స్వాతిరెడ్డి విశేషంగా ఆకట్టుకొన్నది. ఆ తర్వాత డేంజర్ చిత్రం ద్వారా సినీ పరిశ్రమలోకి ప్రవేశించింది. తమిళ, మలయాళ చిత్రసీమలోకి ప్రవేశించి అందంతోనూ, అభినయంతోనూ గొప్ప నటిగా పేరుతెచ్చుకొన్నది స్వాతి.ఇటీవల వచ్చిన లండన్‌బాబులు చిత్రంలో సూర్యకాంతం పాత్రతో ప్రేక్షకులకు మరింత చేరువైంది. ఈ నేపథ్యంలో ఇటీవల స్వాతిరెడ్డి మాట్లాడుతూ వ్యక్తిగత, ప్రొఫెషనల్ విషయాలను వెల్లడించారు.కలర్ షో చేస్తున్నప్పడే పెద్ద నిర్మాతల, దర్శకులు సంప్రదించారు.

అప్పుడు నేను ప్రిపేర్డ్‌గా లేను. స్క్రిప్టులు కూడా నచ్చలేదు. చివరకు కథ నచ్చి, నటీనటులు ఎంపిక చూసి డేంజర్ చిత్రంతో టాలీవుడ్‌లోకి ప్రవేశించాను.సుబ్రమణ్యపురం, అష్టాచెమ్మా చిత్రాలు రెండు విభిన్నమైనవి. కథలు ఒకదానికి ఒకటి చాలా విభిన్నమైనది. ఒకే నెలలో ఆ రెండు చిత్రాల షూటింగ్‌లు జరిగాయి. అష్టాచెమ్మాలో ఎనర్జీ ఉండే పాత్ర.. సుబ్రమణ్యపురంలో చాలా డల్ పాత్ర. ఆ రెండు పాత్రలు పొషించడానికి కొంత కష్టమైంది.వేషాల కోసం ఏదో ఆశించే వాళ్లు ప్రత్యక్షంగానూ, పరోక్షంగానూ ఎదురయ్యాను. కానీ నేను అలాంటి వాటిని నేను నిర్ధాక్షిణ్యంగా తిరస్కరించాను అని క్యాస్టింగ్ కౌచ్ (వేషాలకు కోసం పడక గదిలోకి రమ్మనే) గురించి వివరించింది.రాంగోపాల్ వర్మతో అప్పలరాజు చిత్రంలో చేసేటప్పుడు చాలా మంది భయపెట్టారు. వర్మ అలాంటోడు, ఇలాంటోడు అని చెడుగా చెప్పారు.

ఆయనతో చేయడం చాలా కష్టం అని బెదిరించారు. కానీ నేను పనిచేసిన దర్శకుల్లో చాలా విద్యావంతుడు వర్మ. జెంటిల్మెన్ మనస్తత్వం.ఆయనతో పనిచేసిన తర్వాత ఆయన మంచి గురించి బాగా తెలుసుకొన్నాను.నిఖిల్‌తో అఫైర్ వార్త చూసి అయ్యా బాబోయ్ అనుకొన్నాను. సాధారణంగా మేమంతా గ్రూప్‌గా కలుస్తాం. ఆ సందర్భంగా కొన్నిసార్లు చాలా బాధపడ్డాను. లైట్‌గా తీసుకోకపోయినా నిఖిల్, నన్ను ఇబ్బందికి గురిచేశాను.