అదరగొడుతున్న అక్షయ్ ‘హౌస్ఫుల్ 4’
cinema | Suryaa Desk | Published : Wed, Oct 16, 2019, 06:34 PM
పునర్జన్మల నేపథ్యంలో 1419, 2019 మధ్య కాలంలో సాగే కథతో బాలీవుడ్ నటుడు అక్షయ్ కుమార్ ప్రధాన పాత్రలో తెరకెక్కిన చిత్రం ‘హౌస్ఫుల్ 4’. హౌస్ఫుల్ ఫ్రాంచైస్లో రాబోతున్న నాలుగో చిత్రానికి సంబంధించిన ట్రైలర్ ఇటీవల విడుదలై ప్రేక్షకుల నుంచి మంచి స్పందన అందుకుంటోంది. ఇటీవల చిత్ర ఫస్ట్ లుక్స్ విడుదలై అదరహో అనిపిస్తున్నాయి. దీపావళి కానుకగా అక్టోబర్ 25న సినిమాను ప్రేక్షకుల ముందుకు రానుంది.
ఫర్హాద్ సంఝీ దర్శకత్వంలో రూపొందిన ఈ చిత్రంలో అక్షయ్ కుమార్కు జోడీగా కృతిసనన్, రితేశ్ దేశ్ముఖ్కు జోడీగా పూజా హెగ్డే, బాబీ డియోల్కు జోడీగా కృతి కర్బంద నటించారు. తాజాగా ఈ చిత్రం నుంచి “బూత్ రాజా” అనే వీడియో సాంగ్ విడుదలైంది. ఈ సాంగ్ ప్రస్తుతం సోషల్ మీడియాలో హల్చల్ చేస్తోంది.
ఇక బాహుబలి చిత్రంలో భళ్ళాలదేవ పాత్రతో దేశవ్యాప్తంగా అశేష అభిమానులను సంపాదించుకున్న రానా దగ్గుబాటి “హౌస్ఫుల్-4” చిత్రంలో పవర్ ఫుల్ పాత్రలో నటిస్తున్నారు. 600 ఏళ్ల తర్వాత పుట్టిన స్టార్స్ ఏ రకంగా ప్రేక్షకులని అలరించనున్నారన్నది అంతా ఎదురు చూస్తుంటే బోలెడన్ని వినోదాలు ఉంటాయని అంటున్నారు సినీ జనాలు.
|
|