మరో వివాదంలో విజిల్... షార్ట్ఫిల్మ్ ధీం కాపీనట
cinema | Suryaa Desk | Published : Sat, Oct 19, 2019, 11:54 PM
ఇప్పటికే పడుతూ లేస్తూ ఎట్టకేలకు విడుదలకు తమిళ ఇళయదళపతి విజయ్ నటించిన కొత్త చిత్రం బిగిల్ మరోమారు చిక్కుల్లో పడినట్టే కనిపిస్తోంది. దీపావళి సందర్భంగా విడుదలకు ముస్తాబవుతున్న తరుణంలో నంది చిన్నికుమార్ అనే షార్ట్ ఫిల్మ్ దర్శకుడు తన కథను కాపీ కొట్టారంటూ తెలంగాణ సినీ రచయితల సంఘంకు ఫిర్యాదు చేయడంతో విడుదలపై అనుమానాలేర్పడ్డాయి. గతంలో తను రూపొందించి స్లమ్ సాకర్ అనే తన షార్ట్ ఫిలిమ్ ధీమ్ని తీసుకొని దర్శకుడు అట్లీ బిగిల్ చిత్రాన్ని తెరకెక్కించాడని సదరు రచయిత ఆరోపించారు. దీనిపై చర్యలు తీసుకోవాలంటూ తెలంగాణ సినిమా రచయితల సంఘాన్ని కోరాడు. ఈ మేరకు కోర్టులో పిటిషన్ను కూడా వేశారు. ఈ నేపథ్యంలో చిత్ర విడుదల సమయం దగ్గర పడుతున్నందున రెండు కథలను పరిశీలించి వివాదంపై స్పందించనున్నట్టు తెలంగాణ సినీ రచయితల సంఘం స్పష్టం చేసింది.
|
|