బాయ్ ఫ్రెండ్ వదిలేశాడు

హాలీవుడ్లో హార్వీ వెయిన్‌స్టన్ సంఘటన తర్వాత సినిమా పరిశ్రమల్లో లైంగిక వేధింపులు, కాస్టింగ్ కౌచ్ అంశంపై తరచూ ఏదో ఒక చర్చ జరుగుతోంది. హీరోయిన్లు ఏదైనా ఇంటర్వ్యూలో పాల్గొన్నపుడు కాస్టింగ్ కౌచ్ గురించి తప్పకుండా ఓ ప్రశ్న ఎదురవ్వడం, దానికి వారు తమకు ఎదురైన సంఘటనల గురించి చెప్పడం జరుగుతోంది. పవన్ కళ్యాణ్ 'కొమురం పులి' సినిమా ద్వారా హీరోయిన్‌గా పరిచయమైన నికీషా పటేల్ తాజాగా ఓ ఇంటర్వ్యూలో టాలీవుడ్ గురించి సంచలన కామెంట్స్ చేశారు.హాలీవుడ్లో హార్వీ వెయిన్‌స్టన్ సంఘటన జరిగినపుడు మా నాన్న నాకు ఫోన్ చేసి టాలీవుడ్లో పరిస్థితి ఏమిటని ఆరా తీశారని, అపుడు ఆయనకు ఇక్కడ అలాంటిదేమీ లేదనే సమాధానం చెప్పలేక పోయానని, టాలీవుడ్లోనూ అలాంటి పరిస్థితులు ఉన్నాయని నికీషా పటేల్ తెలిపారు.సెక్సువల్ వేధింపుల విషయంలో హాలీవుడ్ పరిశ్రమకు, టాలీవుడ్ పరిశ్రమకు పెద్దగా తేడా ఏమీ లేదని నికీషా పటేల్ తెలిపారు. అవకాశాల కోసం ఆ విషయంలో కాంప్రమైజ్ కావాలని కోరేవారు చాలా మంది ఇక్కడ ఉన్నారని నికీషా పటేల్ తెలిపారు. అలాంటి అన్ ప్రొఫెషనల్ పీపుల్‌లో ఆడవారు కూడా ఉన్నారని నికీషా వెల్లడించారు.తన పర్సనల్ లైఫ్ విషయాల గురించి నికీషా వెల్లడిస్తూ.... సినిమాల్లోకి రావడానికి ముందు తనకు బాయ్ ఫ్రెండ్ ఉండేవాడని, అయితే తాను నటిని కావడం వల్లే తనను వదిలేశాడని నికీషా తెలిపారు. నటిని పెళ్లి చేసుకోవడం తనకు ఇష్టం లేదని చెప్పి తనను వదిలివెళ్లి పోయాడని నికీషా పటేల్ తెలిపారు.యూకెలో పుట్టి పెరిగిన నికీషా పటేల్ 2010లో పవన్ కళ్యాణ్ హీరోగా తెరకెక్కిన ‘కొమురం పులి' సినిమా ద్వారా హీరోయిన్ గా పరిచయం అయింది. అయితే ఆ సినిమా ప్లాప్ కావడంతో అమ్మడి తొలి సినిమాతోనే పెద్ద దెబ్బ పడింది. తర్వాత తెలుగులో చేసిన ఓం 3డి, అరకు రోడ్డులో చిత్రాలు కూడా ఆడలేదు. ప్రస్తుతం తమిళంలో 7 నాటకల్ అనే సినిమా చేస్తోంది.