మళ్లీరావా ఆడియో వేడుకే మెరిసిన రకుల్
cinema | Suryaa Desk | Published : Tue, Dec 05, 2017, 11:03 AM
రకుల్.. రకుల్.. ఇప్పుడు టాలీవుడ్ లో ఎక్కడ విన్నా ఇదే పేరు. స్టార్ హీరోలంతా ఇప్పుడు రకుల్ జపమే చేస్తున్నారు. ఎవర్ని ఎప్పుడు ఎలా పడగొడితే ఏంటి లాభం అనే సంగతి రకుల్ కి బాగా తెలుసు. చిన్న హీరోలతో నటించినపుడు గ్లామర్ షో లో కూడా హద్దులు దాటలేదు రకుల్. కానీ ఎప్పుడైతే స్టార్ హీరోలతో నటించే అవకాశం వచ్చిందో.. అప్పుడే అందాల గదికి తాళం తీసింది. బ్రూస్ లీ, నాన్నకు ప్రేమతో, సరైనోడు, ధృవ లాంటి సినిమాల్లో బాగానే గ్లామర్ షో చేసింది రకుల్ ప్రీత్. అసలే ముంబై భామ కదా.. స్టార్స్ ను చూసే సరికి గ్లామర్ లెక్కలన్నీ సరిచేయాలని చూస్తుంది. ఇన్నాళ్లూ దాచేసిన అందాల నిధిని స్టార్స్ కోసం బయటపెట్టేసింది. ఇప్పుడు బయట ఎక్కడైనా ఫంక్షన్ లు జరిగినా కూడా అదిరిపోయే గ్లామర్ షో చేస్తుంది రకుల్.దీనికి మళ్లీరావా ఆడియో వేడుకే నిదర్శనం. నిజానికి ఈ వేడుకలో ఇన్ని అందాలు ఆరబోయాల్సిన అవసరం లేదు. పెద్దగా స్టార్ హీరో పంక్షన్ కూడా కాదు. కానీ ఎందుకో తెలియదు కానీ ఈ వేడుకకు వచ్చిన రకుల్.. సూపర్ థైస్ తో అందర్నీ కట్టిపడేసింది. అసలు ఈ భామ చుట్టూనే అక్కడి కెమెరాలు గిర్రున తిరిగాయి. సుమంత్ లాంటి హీరో సినిమా ఆడియో వేడుకకు వచ్చిన రకుల్.. ఇంతగా అందాలు ఆరబోయాల్సిన పనేముందో అక్కడెవరికి అంతు చిక్కలేదు కానీ ఈ ముద్దుగుమ్మ అందాలతో మాత్రం అక్కడి వేడుక మొత్తం హీట్ ఎక్కిపోయింది. మొత్తానికి స్టార్ ఇమేజ్ వచ్చినా.. అది తెచ్చిన గ్లామర్ షో ను మాత్రం వదల్లేదు ఈ ముద్దుగుమ్మ.
|
|