తుది శ్వాస ఉండేంత వరకు జనం కోసం పనిచేయాలి: విజయశాంతి

నిన్న మొన్నటి వరకు రాజకీయ కార్యక్రమాలతోనే బిజీ బిజీగా ఉన్న లేడీ అమితాబ్ విజయశాంతి సడెన్‌గా మహేష్ బాబు, అనిల్ రావిపూడి కాంబినేషన్‌లో తెరకెక్కుతోన్న ‘సరిలేరు నీకెవ్వరు’ సినిమాలో యాక్ట్  చేయడానికి ఓకే చెప్పి అందరికీ షాక్‌కు గురిచేసింది. తెలుగు ప్రేక్షకులతో లేడీ సూపర్ స్టార్‌గా పిలుపించుకున్న విజయశాంతి రాజకీయాల్లోకి వెళ్లిన తరవాత సినిమాలకు దూరమైపోయారు. 2006లో వచ్చిన ‘నాయుడమ్మ’ సినిమాలో ఆమె చివరి సారిగా కనిపించారు. ఆ తరవాత మరే సినిమాను ఆమె అంగీకరించలేదు.దాదాపు పదమూడేళ్ల లాంగ్ గ్యాప్ తర్వాత తిరిగి సినిమాల వైపు తన దృష్టిసారించింది. అంతేకాదు సెకండ్ ఇన్నింగ్స్‌లో తన ప్రాధాన్యత కూడిన పాత్రలకే తప్ప విలనిజం ఉన్న పాత్రలు చేయనని కుండబద్దలు కొట్టింది. ఇక దీపావళి సందర్భంగా విడుదల చేసిన ‘విజయ శాంతి’ లుక్ కు మంచి రెస్పాన్స్ వచ్చింది. ఈ సినిమాలో విజయశాంతి ‘భారతి’ అనే లెక్చరర్ పాత్ర పోషించింది. తాజాగా ఒక మీడియాకు ఇచ్చిన ఇంటర్వ్యూలో ఆమె మాట్లాడుతూ.. 30 ఏళ్ల క్రితం మహేష్ బాబుతో కలిసి ‘కొడుకు దిద్దిన కాపురం’ సినిమాలో కలిసి నటించాను. ఇపుడు మరోసారి మహేష్ బాబుతో కలిసి పనిచేయడం ఆనందంగా ఉందన్నారు. ‘కొడుకు దిద్దిన కాపురం’ సినిమా షూటింగ్ అపుడే మహేష్ బాబు గొప్ప స్టార్ అవుతాడని ఊహించాను. కృష్ణలా మహేష్ బాబు సెట్‌లో ఎంతో  కామ్‌గా తన పని చేసుకుపోతాడని చెప్పుకొచ్చింది. ఈ సినిమాలో క్యారెక్టర్ కోసం దాదాపు 10 కేజీల బరువు తగ్గానని చెప్పింది. దాని కోసం జిమ్‌లో రోజుకు రెండు గంటల పాటు కష్టపడ్డానని చెప్పింది. ఇక అనిల్ రావిపూడి వచ్చి  ఈ కథ చెప్పినపుడు రెండున్నర గంటలకు పైగా పొట్టచెక్కలయ్యేలా నవ్వానని చెప్పింది. దీంతో ‘సరిలేరు నీకెవ్వరు’ సినిమాను అనిల్ రావిపూడి తనదైన కామెడీ యాక్షన్‌‌తో తెరకెక్కించబోతున్నట్టు స్పష్టమవుతోంది. ఈ సందర్భంగా ఆమె మాట్లాడుతూ.. ఇక పై మీరు రాజకీయాలకు తొలి ప్రాధాన్యం ఇస్తారా లేకపోతే సినిమాలా అన్నపుడు. సినిమాలు ఎన్ని చేసినా.. తన తొలి ప్రాధాన్యత మాత్రం రాజకీయాలనే అని చెప్పింది. అక్కడ మనం పూర్తి అంకితభావంతో పనిచేయాలి. సినిమాల్లో అయితే..తనకు పాత్ర నచ్చితే చేస్తాను. అక్కడ వినోదం పంచాలి.  రాజకీయాల్లో అది సాధ్యం కాదుగా అని చెప్పింది. రాజకీయాలంటూ జనం కోసం పనిచేయాలి కాబట్టి..నేను తుది శ్వాస ఉండేంత వరకు రాజకీయాలే నా ప్రాద్యానం అని చెప్పడం కొసమెరుపు.