అదుపుతప్పిన స్టార్ లింక్... భూమి దిశగా దూసుకొస్తున్న ఉపగ్రహం

టెస్లా అధినేత, ప్రపంచ కుబేరుడు ఎలాన్‌ మస్క్‌కు చెందిన స్పేస్‌ఎక్స్ స్టార్‌లింక్‌ ప్రాజెక్టులోని ఉప్రగ్రహాల్లో ఒకటి ఇటీవల కక్ష్య నుంచి అదుపుతప్పి భూమిదిశగా దూసుకొస్తోంది. డిసెంబరు 17న 35956 అనే శాటిలైట్ భూమి నుంచి 418 కిలోమీటర్ల ఎత్తులో ఉంది. కానీ, హఠాత్తుగా అది అక్కడి నుంచి కూలిపోవడం ప్రారంభించింది.. ఈ ఉపగ్రహంపై స్పేస్‌ఎక్స్‌ నియంత్రణ కోల్పోయింది. దీనిపై ఆ సంస్థ వివరణ ఇస్తూ ‘‘ఊహించని విధంగా శాటిలైట్‌లో సాంకేతిక లోపం తలెత్తి ప్రొపెల్షన్‌ ట్యాంక్‌ నుంచి గ్యాస్‌ లీక్ అయ్యింది.. దీంతో ఒక్కసారిగా అది కక్ష్య నుంచి జారిపడి 4 కిలోమీటర్ల దిగువకు వచ్చేసింది. అనంతరం కొన్ని భాగాలు విడిపోయి మెల్లగా కదలుతూ కిందకు జారిపోవడం మొదలయ్యాయి.. వారం రోజుల్లోగా ఇది భూవాతావరణంలోకి ప్రవేశించి కూలిపోవచ్చు’’ అని ఎక్స్‌ (ట్విట్టర్)లో పోస్ట్ పెట్టింది.

ఈ ఉపగ్రహ శకలాలు అమెరికాలోని అలాస్కా గగనతలం మీదుగా శనివారం ప్రయాణిస్తుండగా.. 214 కిలోమీటర్ల దూరం నుంచి వెంటోర్‌టెక్‌ సంస్థకు చెందిన వరల్డ్‌వ్యూ-3 అనే శాటిలైట్ హైరిజల్యూషన్‌ ఫోటోలను తీసింది. దీనివల్ల అంతర్జాతీయ అంతరిక్ష కేంద్రానికి (ఐఎస్ఎస్) లేదా భూమికి ఎటువంటి ప్రమాదం లేదని స్పేస్‌ఎక్స్‌ వెల్లడించింది. ప్రస్తుతం ఐఎస్‌ఎస్‌ కంటే ఇది దిగువన ఉందని పేర్కొంది. అది భూ దిగువ కక్ష్యలో ఉండటం వల్ల భూమి గురుత్వాకర్షణ శక్తికి సులువుగా ఆకర్షితమవుతోందని తెలిపింది. దీంతో భూ వాతావరణ ఘర్షణతో మండిపోయే అవకాశం ఉన్నట్లు సమాచారం.

స్టార్‌లింక్‌ ప్రాజెక్టు కింద స్పేస్‌ఎక్స్‌ సంస్థ 9,000 ఉపగ్రహాలను అంతరిక్షంలోకి పంపింది. దీని ద్వారా భూమిపై మారుమూల ప్రాంతాలకు సైన్యం ఇంటర్నెట్‌ సేవలు అందుబాటులోకి వచ్చాయి. అమెరికా అంతరిక్ష పరిశోధన సంస్థ నాసా, యూఎస్‌ స్పేస్‌ఫోర్స్‌ను సమన్వయం చేసుకొంటూ మస్క్ సంస్థ పనిచేస్తోంది.

ఇదిలా ఉండగా, భూమి ఉపరితలం నుంచి చాలా ఎత్తులో అత్యంత ప్రతిష్టాత్మక అంతరిక్ష సాంకేతిక పరిజ్ఞానం ఉపయోగించి చైనా ఒక ఉపగ్రహాన్ని నిశ్శబ్దంగా ప్రయోగించింది. 36,000 కిలోమీటర్ల దూరం నుంచి అది భూమిపై ఉన్న గ్రౌండ్ స్టేషన్‌కు చేరుకున్న లేజర్ సిగ్నల్‌ను పంపింది. ఇది చెక్కుచెదరకుండా ఉండటమే కాకుండా హై-స్పీడ్ డేటా స్ట్రీమ్‌ను కూడా మోసుకెళ్లింది. అత్యంత ఆశ్చర్యకరమైన భాగం? మొత్తం వ్యవస్థ కేవలం 2 వాట్ల శక్తితో నడిచింది. రాకెట్ ప్రయోగాలు లేదా మెగా-కాన్స్టెలేషన్ ప్రకటనలను అనుసరించే ప్రపంచ దృష్టిని ఈ విజయం ఆకర్షించలేదు. కానీ అంతరిక్ష ఆధారిత ఇంటర్నెట్ పరిణామాన్ని చూసే వారికి జియోసింక్రనీరీ కక్ష్య నుంచి వచ్చే ఈ కాంతి పుంజం చాలా విఘాతం కలిగించేదిగా ఉంది.