ఇది నాకు దక్కిన అరుదైన గౌరవం..’కరీనా’
cinema | Suryaa Desk | Published : Thu, Oct 31, 2019, 05:55 PM
ఇది నాకు దక్కిన అరుదైన గౌరమంటూ ఆనందం వ్యక్తం చేసింది బాలీవుడ్ నటి కరీనాకపూర్. వచ్చే ఏడాది ఆస్ట్రేలియాలో జరగనున్న మహిళ, పురుషుల టీ20 వరల్డ్ కప్ ట్రోఫీ ఆవిష్కరణ వేడుక మెల్బోర్న్లో ఘనంగా జరగనుంది. ఈ వేడుకలో వరల్డ్ కప్ ట్రోఫీని కరీనా కపూర్ ఆవిష్కరించనుంది. ఈ సందర్భంగా ఆమె మీడియాతో మాట్లాడుతూ ఇంతటి ప్రఖ్యాత కార్యక్రమంలో తను కూడా భాగమైనందుకు ఆనందంగా ఉందని చెప్పింది. అలాగే మహిళా క్రికెటర్లంతా తమ కలలను సాకారం చేసుకునే దిశగా వారిని ప్రోత్సహించాలనుకుంటున్నానని .. ఇంతటి అంతర్జాతీయ టోర్నీలో వారు పాల్గొనడం గొప్ప విషయమని, వారు అందరికీ ఆదర్శమని ఆమె పేర్కొంది. తన మామయ్య (మన్సూర్ పటౌడీ అలీఖాన్) కూడా ప్రముఖ క్రికెటర్ అని కరీనా గుర్తు చేసింది. ప్రపంచమంతా అత్యంత ఆదరణ ఉన్న ప్రపంచకప్ ట్రోఫీ ఆవిష్కరణకు తనను ఆహ్వనించడం తనకు దక్కిన అత్యంత గౌరవమని తెలిపింది.
|
|