మంచి కథ ఉంటే చిన్న సినిమాలు చేయడానికైనా సిద్ధం
cinema | Suryaa Desk | Published : Thu, Dec 07, 2017, 02:56 PM
ఒకప్పుడు టాలీవుడ్ ఏలిన కాజల్, తమన్నాల అవకాశాలను ఇప్పుడు రకుల్ ప్రీత్ సింగ్, మెహ్రిన్, రాశీఖన్నా, అను ఎమ్మాన్యూయెల్ వంటి కొత్త హీరోయిన్లు ఎత్తుకుపోతున్నారు. ఈ నేపథ్యంలో తమన్నా, కాజల్కు సినిమా అవకాశాలు బాగా తగ్గాయనే చెప్పుకోవాలి. తమన్నా నటిస్తున్న ‘క్వీన్’ రీమేక్ సినిమా త్వరలోనే విడుదల కానుంది. కళ్యాణ్ రామ్తో కూడా ఓ సినిమా చేస్తుంది. అయితే, తమన్నా చూపు ఇప్పుడు చిన్న చిత్రాల వైపు మళ్లింది. ఒకప్పుడు తనను నటిగా నిలబెట్టిన చిన్న చిత్రాల గురించి గుర్తు చేసుకుంటూ.. మంచి కథ ఉంటే చిన్న సినిమాలు చేయడానికైనా సిద్ధమేనని తెలిపింది.
‘‘బలమైన కథానాయిక పాత్రలు పోషించాలని మాకూ ఉంటుంది. కానీ అలాంటి అవకాశాలు రావడం చాలా కష్టంగా మారింది. అయితే, ఆ అవకాశం దొరికితే తప్పకుండా ఆ పాత్రలు చేస్తాను’’ అని తెలిపింది. పెద్ద హీరోల సినిమాలన్నీ కమర్షియల్ పంథాలో సాగేవేనని, వాటిలో కథానాయికల నిడివి కూడా చాలా తక్కువంది. అదే చిన్న సినిమా అయితే, ప్రేక్షకులు ఎలాంటి అంచనాలు లేకుండా సినిమాకు వస్తారని, అది నచ్చితే తప్పకుండా ఆధరిస్తారని తెలిపింది. కథానాయిక ప్రాధాన్యత ఉండే సినిమా చేయడానికి తానెప్పుడూ సిద్ధమేనని, ఆ సినిమా చిన్నదైనా, పెద్దదైనా.. తనని తాను నిరూపించుకునేందుకు అవకాశమొస్తే వేరే ఆలోచన చేయకుండా ఒప్పుకుంటానని తమ్మూ పేర్కొంది. ప్రస్తుతం అవకాశాలు తగ్గడంపై స్పందిస్తూ.. ‘‘సినిమాల సంఖ్య కాదు ముఖ్యం. ఎన్ని మంచి సినిమాలు చేశాం, దాని వల్ల మనకు ఎంత గుర్తింపు వచ్చిందనేదే ముఖ్యం’’ అని తెలిపింది.
|
|