నువ్వు నా కూతురు లాంటి దానివి, ముద్దు ఇవ్వవా?
cinema | Suryaa Desk | Published : Fri, Dec 08, 2017, 11:01 AM
ఈ మధ్య కాలంలో హీరోయిన్స్కి వేధింపులు మరింత ఎక్కువయ్యాయి. సోషల్ మీడియాలోనే కాదు డైరెక్ట్గాను కొందరు వారిని టార్గెట్ చేసి చిత్ర హింస గురిచేస్తున్నారు. తాజాగా హార్ట్ ఎటాక్ భామ ఆదాశర్మకి అనుకోని వింత అనుభవం ఎదురైంది. తన బాధని సోషల్ మీడియా వేదికగా వ్యక్తం చేసింది ఆదా. ఇటీవల తాను ముంబై ఎయిర్ పోర్ట్లో ఉన్నప్పుడు ఓ వ్యక్తి తన దగ్గరకి వచ్చి, నువ్వు నా కూతురు లాంటి దానివి, ముద్దు ఇవ్వవా? అని అడిగాడట. తాను స్పందించపోయేసరికి సినిమాలలో ముద్దులు ఇస్తావు కదా.. ఇప్పుడు ఇవ్వడానికి ఏమైంది అని బెదిరించాడట కూడా. సినిమా వేరు , నిజ జీవితం వేరు. మళ్ళీ ఎవరైన నా వ్యక్తిగత జీవితంలో ఇలాంటి ప్రశ్నలు అడిగితే దెబ్బలు తింటారు. సినిమాలో పాత్రలు చేస్తాయి తప్ప నేను చేయను. హార్ట్ ఎటాక్ సినిమాతో హయతీ అనే పాత్ర ముద్దు పెట్టింది. నేను కాదు . అలానే కమాండో 2లో కూడా భావన రెడ్డి అనే పాత్ర మాత్రమే ముద్దు ఇచ్చింది. నేను కాదు. సినిమాలలో చేస్తున్నావు,నిజ జీవితంలో ఎందుకు చేయవు అని ప్రశ్నించడం దారుణమైన విషయం. 1920 అనే చిత్రంలో దెయ్యంగా నటించాను, కొంత మంది చంపేశాను కూడా . మరి సినిమాలో చేసినట్టు బయట కూడా ఉండాలనే వాళ్లు ఈ విషయం కూడా గుర్తుంచుకోండి అంటూ వరుస ట్వీట్స్తో తన అసహనాన్ని వ్యక్తం చేసింది ఆదా శర్మ.
|
|