శ్రీయ 17 ఇయర్స్ - సీక్రెట్ ఇదేనా

ఇపుడు ఉన్న ట్రెండ్ లో ఒక హీరో హవా 10 సంవత్సరాలు ఉండటమే విశేషం అనుకుంటుంటే... ఒక హీరోయిన్ 17 సంవత్సరాలు హీరోయిన్ పాత్రలతోనే కొనసాగడం అక అద్భుతం అనే చెప్పుకోవాలి. ఈ క్రెడిట్ సాధించిన హీరోయిన్ ఎవరో కాదు... శ్రీయ చరణ్. రామోజీ గ్రూపు నిర్మాణంలో వచ్చిన ఇష్టం సినిమాతో 2001లో హీరోయిన్ గా పరిచయం అయ్యి.. ఇపుడు కూడా ఒక హింది - ఒక తెలుగు - ఒక తమిళ సినిమాలో నటిస్తూ బిజీగా ఉంది. 

మరి ఆమె అందమే ఆమెను ఇన్నేళ్లు ఇండస్ట్రీలో కొనసాగేలా చేసింది అనుకుంటే కానే కాదని ఆమె తాజాగా చెప్పిన కొన్ని మాటల ద్వారా అర్థమవుతోంది. ఈ మధ్యనే ఒక మీడియాతో మాట్లాడుతూ ఆమె కొన్ని ఆసక్తికరమైన విషయాలను చెప్పింది. చాలా మంది తమ పనిలోనే కష్టాలున్నాయని - అందరూ సుఖంగా బతుకుతున్నారని అనుకుంటారు. అసలు కష్టం లేకుండా ఏ పనీ దొరకదు. సమస్యలేకుండా ఏ మనిషి ఉండడు అంటూ జీవిత పాఠాలు చెప్పింది. కష్టాలు అందరికీ వస్తుంటాయి కాబట్టి వాటిని ఎలా ఎదుర్కోవాలి అనేది ఆలోచించాలి. అంతేగాని బాధ పడాల్సిన అవసరమే లేదంటోంది శ్రీయ. తన జీవితంలో కొన్ని ఉదాహరణలు కూడా చెప్పుకువచ్చింది.

గౌతమి పుత్ర శాతకర్ణ సినిమా చేసేటపుడు వాష్ రూమ్ వెళ్లాలంటే వంద మెట్లు దిగి ఎక్కాలి. దానిని ఇబ్బందిగా ఫీలయితే - మంచి అవకాశాలు మిస్సవుతాం. ఆ సమయంలో నేను తక్కువ నీళ్లు తాగేదానిని అని చెప్పింది. అలాగే పైసా వసూల్ సినిమా షూటింగ్ సమయంలో పోర్చుగల్ లో షూటింగ్ ప్లేస్ కి బాత్ రూమ్ కి 15 కిలోమీటర్ల దూరం ఉండేదట. అంటే ప్రత్యేకంగా వాహనం తీసుకుని వాష్ రూం కి వెళ్లాల్సి వచ్చేదట. మామూలు సమయాల్లో ఓకే గాని... నెలసరి సమయాల్లో చాలా ఇబ్బందులుంటాయి అలాంటి ప్లేసుల్లో. అన్నీ పైకి కనిపించేంత ఈజీగా ఉండవు అంది. సమస్యలు వస్తుంటాయి. కానీ వాటిని ఆనందంగానే ఎదుర్కొంటాను. దాని వల్ల నేను ఒత్తిడి ఎపుడూ దూరంగా ఉంచుతాను అంటోందామె. మంచీ చెడు జోడు గుర్రాలు... ఏదో ఒకటే కావాలంటే కుదరదు అంటూ లైఫ్ లెసన్స్ చెప్పారామె.