హలో సినిమా రివ్యూ

అక్కినేని నాగార్జున చిన్న కుమారుడు అఖిల్ అక్కినేని సినిమా హలో ఈరోజు ప్రేక్షకుల ముందుకు వచ్చింది. అఖిల్ మొదటి సినిమా ప్లాప్ అవ్వడంతో అక్కినేని అభిమానులు చాలా నిరుత్సాహ పడ్డారు. కాని ఈ సినిమాని అఖిల్, నాగార్జున అందరూ కూడా ఎంతో శ్రద్ధ పెట్టి తీసారు. అంతే కాకుండా ఈ సినిమా కోసం అఖిల్ పడ్డ కష్టం టీజర్, ట్రైలర్ లో చూస్తే, అభిమానులకు ఈ సినిమా పై భారీ అంచనాలు ఏర్పడాయి. అసలు ఈ సినిమా అభిమానులను ఎంతగా ఆకట్టుకుందో తెలియాలంటే కథలోకి వెళ్దాం

కథ : ఈసినిమా మొదట నాగార్జున వాయిస్ తో మొదలవుతుంది. అఖిల్ హలో టైటిల్ సాంగ్ తో ఎంట్రీ ఇస్తాడు. సినిమా కొంచెం సేపు తరవాత ఫ్లాష్ బ్యాక్ లోకి వెళ్తుంది. అది సినిమాకి మూల కథ. ఇద్దరు చిన్నారులు మంచి ఫ్రెండ్స్. వీళ్ళ పేర్లు శీను-జున్నూ. వీల్లద్దరి మద్య మంచి సెంటిమెంట్ సీన్స్ ఉంటాయి. వీళ్ళిద్దరే హీరో హీరోయిన్స్. హీరో అఖిల్ తల్లితండ్రులుగా జగపతిబాబు, రమ్యకృష్ణ చేసారు. అయితే కొన్ని అనుకోని కారణాలు వలన శీను-జున్నూ లు విడిపోవలసి వస్తుంది. ఆ తర్వాత వాళ్ళిద్దరూ పెరిగి పెద్దవాళ్ళు అవుతారు. కొన్ని కారణాలు వలన విలన్స్ అఖిల్ పై దాడి చేస్తారు. ఇదిలా ఉండగా మొదటి సారి హీరో హీరోయిన్ ఒకరికి ఒకరు తెలియని వ్యక్తులుగా కలుసుకుంటారు. అఖిల్ తన సోల్మేట్ కోసం సర్చ్ చేస్తూ ఉంటాడు. ఈ సర్చింగ్ లో మద్యలో విలన్స్, చేజింగ్ ఫైట్స్ అన్ని ఆకట్టుకుంటాయి. అసలు శీను-జున్నూ లు ఎందుకు విడిపోవలసి వచ్చింది? మళ్ళీ వాళ్ళిద్దరూ ఒకరినికరూ చూసినా కూడా, అఖిల్ తను వెతుకుతున్న సోల్ మేట్ ఆ అమ్మాయేనని ఎందుకు గుర్తించలేడు? మద్యలో విలన్స్ ఎందుకు అఖిల్ పై అటాక్ చేసారు? చివరికి అఖిల్ తన సోల్మేట్ ని కలిసాడా లేదా తెలియాలంటే, సినిమా చూడాల్సిందే…

సినిమా ఎలా ఉంది…  : ఈ సినిమా గురించి చెప్పాలంటే… మొదట నిర్మాణ విలువలు చాలా బాగున్నాయి. ఒక బాలీవుడ్ సినిమా ని చూస్తున్న ఫీల్ వస్తుంది. ఈ సినిమాకి అఖిల్ నిజంగానే తనని తాను నిరూపించుకోవాలనే పట్టుదలతో ఎంత కష్టపడ్డాడో కనిపిస్తుంది. హీరోయిన్ పాత్రకు ఈ సినిమాలో ప్రాముఖ్యత ఉంటుంది. హీరోయిన్ కళ్యాన్ ప్రియదర్శిని తన పాత్రకు తాను న్యాయం చేసింది. ఇక జగపతి బాబు, రమ్యకృష్ణ గురించి చెప్పుకోనక్కరలేదు. వారి పాత్రలో వారు జీవించే నటులు వీరిద్దరూ. సినిమాలో కొన్ని పాటలు చాల బాగున్నాయి. పైట్స్ విషయానికి వస్తే, అఖిల్ అదరగొట్టాడు. డైరెక్టర్ విక్రం ఈ సినిమాలో సెంటిమెంట్ సీన్స్ ని మిస్ కానివ్వకుండా, చాలా బాగా తీసారు. సెకండ్ ఆఫ్ సినిమా కొంచెం స్లో అనిపిస్తుంది. మనసంత నువ్వే సినిమా ని కొంచెం గుర్తు చేస్తుంది ఈ సినిమా. పెళ్లి వేడుకలో వచ్చే ఒక పాట మంచి కలర్ ఫుల్ గా అనిపిస్తుంది. అలాగే కొన్ని మ్యూజిక్, కొన్ని చోట్ల సెంటిమెంట్, చేజింగ్ చేసేటప్పుడు కొన్ని ట్విస్ట్ లు అన్నీ కూడా బాగానే ఆకట్టుకున్నాయి. మొత్తానికి ఈ సినిమా అఖిల్ కి హిట్ ఇస్తుందని అనిపిస్తుంది.

రివ్యూ : 3/5