ఆ హీరోలతో అవకాశాలు వస్తాయా..
cinema | Suryaa Desk | Published : Thu, Dec 19, 2019, 12:38 PM
స్టార్ హీరోలు ఏడాదిలో నటించేది ఒకటీ రెండు సినిమాలు మాత్రమే. ఈ సినిమాల్లో అవకాశాల కోసం హీరోయిన్లు అనేక ప్రయత్నాలు చేస్తుంటారు. కొందరికి ఆశించకుండానే ఛాన్స్ దక్కుతుంది. మరికొందరు పైరవిలతో దక్కించు కుంటారు. ఎందుకంటే స్టార్స్ సినిమాల్లో నటిస్తేనే ప్రేక్షకుల్లో ప్రత్యేక గుర్తింపు ఉంటుంది. పారితోషికం పెరుగుతుంది. ఛాన్స్లు పెరుగుతాయి. కానీ కొందరికి ఎదురుచూపు మినహా ఛాన్స్లు దక్కడం లేదనిపిస్తోంది. ఇలాంటి వారిలో రెజీనా, మెహరిన్ ఉన్నారు. ఈ ఇద్దరు బాలీవుడ్ భామలలు బి గ్రేడ్ హీరోలతో నటించారు. హిట్ సినిమాలు కూడా ఉన్నాయి. కానీ స్టార్స్ దృష్టికి మాత్రం వెళ్లడం లేదు. రెజీనాను చూసి మరో ఇలియానా అవుతుందని అంచనా వేశారు. సుబ్రమణ్యం ఫర్ సేల్, కొత్త జంట వంటి చిత్రాలు ఆమె ఖాతాలో ఉన్నాయి. ఇక మెహరిన్ విషయానికి వస్తే తొలి చిత్రం కృష్ణగాడి వీర ప్రేమగాథ నుండి నిన్నా మొన్నటి ఎఫ్ 2 వరకు హిట్స్ ఉన్నాయి. అయినప్పటికీ మహేష్, రామ్ చరణ్, ఎన్టీఆర్, ప్రభాస్, అల్లు అర్జున్ వంటి హీరోలతో కలిసి నటించే ఛాన్స్ రావడం లేదని సన్నిహితులు వాపోతున్నారట. స్టార్ హీరోలు అందరూ బాలీవుడ్ వైపే తొంగి చూస్తున్నారు. వారికి పూజా హెగ్డే, శ్రద్దాకపూర్, ఆలియాభట్, రష్మిక వంటి హీరోయిన్లు మాత్రమే కావాలని అంటున్నారు.
|
|