అమ్మవారి దీక్ష…
cinema | Suryaa Desk | Published : Thu, Dec 19, 2019, 01:39 PM
నటి నయనతార దీక్ష చేపట్టింది. ఈ దీక్ష ప్రేమకోసమే… పెళ్లి కోసమో కాదు. పాత్ర కోసం. నయనతార అమ్మవారి పాత్రలో నటించనుంది. ఈ పాత్ర పోషించినంతకాలం దీక్షలో ఉంటానని, మాంసహారం ముట్టనని తెలిపింది. దైవత్వ ఉన్న పాత్రలు పోషించే సందర్భంలో ఆర్టిస్టులు ఇలాంటి నిర్ణయాలు తీసుకోవడం సహజం. అయితే జన్మత క్రిష్టియన్ అయిన నయనకు ఈ దీక్ష చేపట్టడం చాలా మందికి ఆశ్చర్యం కలిగించింది. అయితే ఆమె చాలా సంవత్సరాల క్రితమే హిందుయిజం స్వీకరించారని సన్నిహితులు అంటున్నారు.
నయనతార తమిళ్లో మంచి క్రేజ్ ఉన్న హీరోయిన్. అత్యధిక పారితోషికం తీసుకుంటున్న నటి కూడా. ఇటీవలే తెలుగులో సైరా చిత్రంలో నటించింది. మరోవైపు ఆమె ప్రేమ వ్యవహారంపై తరచుగా కథనాలు వినిపిస్తున్నాయి.
దర్శకుడు విఘ్నేష్ శివన్ను త్వరలో వివాహం చేసుకోనుందని ప్రచారం జరుగుతోంది. తరచుగా వీరిద్దరు విదేశాలకు వెళుతుండడం దీనికి బలం చేకూరుతోంది. ఇకపోతే తాజాగా నటిస్తున్న అమ్మవారి పాత్ర పోషణకు ముందు ప్రియుడితో కలిసి కన్యాకుమారి భగవతి అమ్మన్ ఆలయంలో ప్రత్యేక పూజలు చేసిందని తెలిసింది. దీనికి సంబంధించిన పిక్ సామాజిక మాధ్యమాల్లో హల్ చల్ చేస్తోంది.
|
|