రాశీ దశ తిరిగినట్టే ఒకే వారం వ్యవధిలో రెండు హిట్లు!
cinema | Suryaa Desk | Published : Sat, Dec 28, 2019, 01:48 PM
కె.ఎస్.రవీంద్ర డైరెక్షన్లో రాశీ ఖన్నా చేసిన ‘వెంకీ మామ’ చిత్రం ఈ డిసెంబర్ 13న విడుదలై మొదట మిక్స్డ్ టాక్ తెచ్చుకున్నా ఆ తర్వాత హిట్ ట్రాక్ ఎక్కింది. ఈ సినిమా విడుదలైన సరిగ్గా వారం రోజులకు 20వ తేదీన మారుతి దర్శకత్వంలో సాయి తేజ్ తో కలిసి చేసిన ‘ప్రతిరోజూ పండగే’ సినిమా అయితే మొదటిరోజే హిట్ టాక్ సొంతం చేసుకుని సూపర్ హిట్ దిశగా నడుస్తోంది. రెండు సినిమాల్లో రాశీ నటనకు మంచి మార్కులే పడ్డాయి. ఈ వరుస విజయాలతో మరోసారి ఆమె లక్కీ లేడీగా మారింది. ఇప్పటికే పలువురు దర్శక నిర్మాతలు తమ సినిమాల్లో రాశీని తీసుకోవాలనే ఆలోచన చేస్తున్నారు. సో.. వచ్చే యేడాది రాశీ ఖన్నా బిజీ నటిగా మారిపోనుందన్న మాట. క్లిష్టమైన సమయంలోనే ఆమెకు ఒకటి కాదు రెండు హిట్లు దక్కాయి. అది కూడా ఒకే నెలలో వారం వ్యవధిలో కావడం విశేషం. ప్రస్తుతం విజయ్ దేవరకొండ సరసన `వరల్డ్ ఫేమస్ లవర్` లో నటిస్తోంది. భారీ అంచనాల మధ్య సినిమా వచ్చే ఏడాది ప్రేక్షకుల ముందుకు రానుంది. ఇందులో రాశీ పాత్ర హైలైట్ గా ఉంటుందని సమాచారం. రౌడీ స్టార్ ఇమేజ్..దర్శకుడు క్రాంతి మాధవ్ కాన్ఫిడెన్స్ నడుమ రాశీ ఖాతాలో హ్యాట్రిక్ ఖాయమనే టాక్ వినిపిస్తోంది. ఈ చిత్రాన్ని కె. ఎస్ రామారావు ప్రతిష్టాత్మకంగా నిర్మిస్తున్నారు.
|
|