‘భాగమతి’ ట్రైలర్ వచ్చేసింది
cinema | Suryaa Desk | Published : Mon, Jan 08, 2018, 02:32 PM
అనుష్క ప్రధాన పాత్రలో నటించిన సినిమా ‘భాగమతి’. అశోక్ దర్శకత్వం వహించారు. ఈ సినిమా ట్రైలర్ను సోమవారం మధ్యాహ్నం విడుదల చేశారు. ఇందులో అనుష్కను ఏదో కేసులో భాగంగా జైలుకు తరలించినట్లు చూపించారు. ఆ తర్వాత ఆమెను ఓ పాడుబడ్డ బంగ్లాలో వదిలేస్తారు. ఈ క్రమంలో అనుష్కకు ఏమైంది అనే కథాంశంతో సినిమాను తెరకెక్కించినట్లు తెలుస్తోంది.
‘ఎవడు పడితే వాడు రావడానికి.. ఎప్పుడు పడితే అప్పుడు పోవడానికి ఇదేమైనా పశువుల దొడ్డా?‘భాగమతి’ అడ్డా.. లెక్కలు తేలాలి.. ఒక్కడ్నీ పోనివ్వను’ అంటూ చివర్లో అనుష్క చెప్పే డైలాగ్ మొత్తం ట్రైలర్కే హైలైట్గా నిలిచింది. అనుష్క వేషధారణ కూడా చాలా విభిన్నంగా ఉంది. ఇలా ఆద్యంతం ఆసక్తికరంగా ఈ ట్రైలర్ను రూపొందించారు. ‘భగ.. భగ.. భగ.. భాగమతి’ అంటూ వచ్చే నేపథ్య సంగీతం ఆకట్టుకుంది
ఉన్ని ముకుందన్, ఆది పినిశెట్టి, ఆశా శరత్ ‘భాగమతి’లో ప్రధాన పాత్రలు పోషించారు. యూవీ క్రియేషన్స్ సంస్థ నిర్మిస్తోంది. తమన్ స్వరాలు అందిస్తున్నారు. జనవరి 26న ఈ సినిమాను విడుదల చేయడానికి సన్నాహాలు చేస్తున్నారు. ‘బాహుబలి-2’ తర్వాత అనుష్క నటించిన చిత్రమిదే.
|
|