హీరోయిన్ అంటే అందమే కాదు : శాలినిపాండే

కథానాయిక.. సినిమాల్లో ఈ పదానికి చాలా ప్రాధాన్యత, ప్రాముఖ్యత ఉంటుంది. కానీ, ఇది ఒక్కప్పటి మాట. ఇప్పుడు మాత్రం హీరోయిన్ అంటే కేవలం అందాల ఆరబోతకు పరిమితం అవుతున్నారు అనేది నిజం. నటించే సత్తా ఉన్నా సరయిన అవకాశం రాక వచ్చిన గ్లామర్ పాత్రలు చేసే వాళ్ళు కొందరయితే, సినిమాల్లో ఉండాలి అనుకుని ఫిక్స్ అయ్యి నటన సరిగా రాక వచ్చిన పాత్రలే చేసుకుని పోయేవాళ్లు మరికొందరు.

సందీప్ రెడ్డి  దర్శకత్వంలో  విజయ్ దేవరకొండ హీరోగా శాలినిపాండే హీరోయిన్ గా వచ్చిన సినిమా అర్జున్ రెడ్డి . ఈ సినిమా అటు హీరోగా  కు దర్శకుడిగా సందీప్ రెడ్డి వంగ కు చాలా ప్లెస్  అయ్యింది. కానీ హీరోయిన్ షాలినికి ఈ సినిమా తరువాత అంతగా అవకాశాలు రాలేదు. దాంతో ఈ అమ్మడు తమిళ్ ఇండస్ట్రీ పై దృష్టి పెట్టింది. అక్కడ కూడా ఒకటి రెండు సినిమాలు చేసిన వర్కౌట్ అవ్వలేదు. దాంతో తిరిగి టాలీవుడ్ లో ఇటీవల రాజ్ తరుణ్ సరసన ఒక సినిమాలో నటించింది. ఆ సినిమాకూడా ఫ్లాప్ అయ్యింది. తాజగా ఈ చిన్నది. హిందీలో ఛాన్స్ దక్కించుకుంది. అది కూడా స్టార్ హీరో రణవీర్ సింగ్ సరసన .రణవీర్ తో   కలిసి 'జయేష్‌ భాయ్‌ జోర్దార్‌' చిత్రంలో నటిస్తోంది.  ఇన్ని భాషల్లో నటిస్తున్న తనకు  పాత్ర స్వభావం ముఖ్యమని చెబుతోంది. హీరోయిన్ అంటే కేవలం గ్లామర్ షోలకు మాత్రమే పరిమితం కాకూడదని నటనకు ప్రాధాన్యత ఉన్న పాత్రలు చెయ్యాలని అంటుంది. తాను ఎక్కువగా సహజంగా కనబడేందుకే ఇష్టపడతానని అంటుంది.  'కొంతమంది దర్శకులకు హీరోయిన్ అంటే సన్నగా , అందంగా, దేవకన్యలా ఉండాలి.. హీరోయిన్ అంటే కేవలం అందమేనా ..?ఆమె నటించే పాత్రలకు వ్యక్తిత్వం ఉండక్కర్లేదా.? నేనైతే హీరోయిన్ ను ఓ వస్తువులా చూపించే ఏ చిత్రాన్నీ అంగీకరించను. ఏదో ఒకరోజు నెగిటివ్ షేడ్స్ ఉన్న పాత్రలోనూ నటించాలని ఉంది' అని షాలిని మనసులోని మాటలు చెప్పుకొచ్చింది. మరి ఈ అమ్మడికి అలాంటి పాత్రలు దొరుకుతాయేమో చూడాలి.