అవును ప్లాస్టిక్ సర్జరీ మాట నిజమే: శ్రుతి హాసన్
cinema | Suryaa Desk | Published : Fri, Feb 28, 2020, 01:29 PM
కొన్ని రోజులుగా అసలు శృతిహాసన్ ఒక్క సినిమా కూడా చేయడం లేదు కానీ సోషల్ మీడియాలో మాత్రం యాక్టీవ్ గా కనిపిస్తుంది . ఇటీవలే కొన్ని ఫోటోలను ఇంస్టాగ్రామ్ లో పంచుకోగా, వాటినకి భిన్న స్పందనలు వచ్చాయన్న సంగతి తెలిసిందే. తనపై వచ్చిన విమర్శలపై స్పందించిన శ్రుతి, సోషల్ మీడియాలో ఓ పోస్ట్ పెట్టింది. తాను ప్లాస్టిక్ సర్జరీ చేయించుకున్నానని, ఎవరో చెప్పినట్టుగా జీవించబోనని, తన ఇష్టానుసారమే ఏ పనైనా చేస్తానని తేల్చి చెప్పింది. ఇతరుల అభిప్రాయాలకు అనుగుణంగా నడుచుకోవాల్సిన అవసరం తనకు లేదని అంటూ, ఒకప్పుడు లావుగా ఉన్నానని, ఇప్పుడు సన్నగా అయిపోయానని కామెంట్లు చేయడం సరైన పద్ధతి కాదంది.
తన లేటెస్ట్ ఫోటోలు రెండు రోజుల క్రితమే తీసినవని, ప్రతి మహిళా ఎదుర్కొనే హార్మోన్ల సమస్య తనకూ ఎదురైందని, శారీరకంగా మానసికంగా ఎంతో ఇబ్బంది పడ్డానని చెప్పుకొచ్చింది. ఆరోగ్యంగా ఉండేందుకు ఇప్పుడు ఎంతో ష్టపడుతున్నానని, ఇదేమీ సులభం మాత్రం కాదని వ్యాఖ్యానించింది. తాను ప్లాస్టిక్ సర్జరీ చేసుకున్న విషయాన్ని ఎవరికీ చెప్పలేదని, అభిమానుల ఆలోచనా ధోరణి మారాలని సలహా ఇచ్చింది. తనను తాను నిత్యమూ ప్రేమించుకుంటూ ఉంటానని, ప్రతి ఒక్కరూ అలాగే చేయాలని శ్రుతీ హాసన్ వ్యాఖ్యానించింది.
|
|