మలయాళీ అమ్మాయిగా కీర్తి సురేష్
cinema | Suryaa Desk | Published : Tue, Mar 03, 2020, 01:58 PM
సావిత్రి జీవిత నేపథ్యంలో తెరకెక్కిన మహానటి చిత్రంలో అద్భుత నటవిన్యాసం ప్రదర్శించిన నటి కీర్తి సురేష్. ఈ చిత్రానికి గాను కీర్తి సురేష్ సురేష్ నేషనల్ అవార్డ్ కూడా అందుకుంది. ప్రస్తుతం తెలుగులో గుడ్ లక్ సఖీ, రంగ్ దే, మిస్ ఇండియా చిత్రాలు చేస్తున్న కీర్తి సురేష్ మలయాళంలో మరక్కర్ అరబికడలింతే సింహం అనే చిత్రంలో నటిస్తుంది. మోహన్ లాల్ చిత్రంలో ప్రధాన పాత్ర పోషిస్తుండగా, కీర్తి సురేష్ ముఖ్య పాత్రలో కనిపించనుంది. తాజాగా కీర్తి సురేష్ మలయాళీ గెటప్కి సంబంధించిన ఫోటోలు ప్రస్తుతం వైరల్గా మారాయి. మహానటి చిత్రంలో అచ్చమైన తెలుగింటి అమ్మాయిలా కనిపించిన కీర్తి .. మరక్కర్ అరబికడలింతే సింహం అనే చిత్రం కోసం మాలయాళీ కుట్టిలా మారింది. కీర్తి సురేష్ని ఇలా చూసిన ఫ్యాన్స్ తెగ మురిసిపోతున్నారు. ప్రియదర్శన్ దర్శకత్వంలో తెరకెక్కుతున్న ఈ మలయాళీ చిత్రంలో ఫైట్ సీక్వెన్స్ ఒకటి హైలైట్గా నిలుస్తుందని అంటున్నారు
|
|