ముద్దు సీన్లు గురించి అమ్మతో స్వేచ్చగా చర్చిస్తా : పాయల్ రాజ్‌పుత్

అజయ్ భూపతి దర్శకత్వంలో వచ్చిన ఆర్ఎక్స్100 సినిమాతో టాలీవుడ్ లో ఎంట్రీ ఇచ్చింది పాయల్ రాజ్‌పుత్. తన డెబ్యూ మూవీలోనే బోల్డ్‌గా కనిపించడంలో ఏమాత్రం రాజీ పడలేదు ఈ ముద్దుగుమ్మ. ఇక ఈ సినిమా తర్వాత ఈ హాట్ భామకు అలాంటి క్యారెక్టర్సే క్యూ కట్టాయట ఆ తర్వాత. కానీ, 'నేనలాంటి దాన్ని కాదు..' అంటూ వాటన్నింటినీ సున్నితంగా తిరస్కరించిందట పాయల్‌ రాజ్‌పుత్‌. అయితే ఆ తర్వాత విభిన్నమైన చిత్రాలు ఎంచుకుంటూ అందరికీ దగ్గరైంది పాయిల్. గతేడాది చివర్లో వెంకటేష్‌తో జోడీ కట్టి 'వెంకీమామ' రూపంలో సూపర్ హిట్ సాధించిన పాయల్.. ఇటీవలే 'డిస్కో రాజా' సినిమాతో రవితేజ సరసన మెరిసింది. ఈ సినిమా ’ఈ అమ్మడి ఆశలను నీరుగార్చింది. తాజాగా పాయల్ రాజ్‌పుత్ ఓ మీడియాతో మాట్లాడి తన కెరీర్, పెళ్ళికి సంబంధించిన విషయాలపై ఆసక్తికర వ్యాఖ్యలు చేసింది. ఈ సందర్భంగా ముద్దు సీన్లు, బోల్డ్ సన్నివేశాలలో నటించేటప్పుడు ఇబ్బంది పడకుండా ముందుగా అలాంటి వాటి గురించి తన తల్లితో స్వేచ్చగా చర్చిస్తానని చెబుతోంది పాయల్. అయితే.. నీ మనసుకు నచ్చి నీకు సౌకర్యంగా అనిపిస్తే ఏదైనా చేయి అని అమ్మ సలహా ఇస్తుందని పాయల్ చెప్పుకొచ్చింది. అయితే బోల్డ్‌గా ఉండే పాత్రలు ఎంత ఇష్టపడి చేసినా కూడా అమ్మానాన్నలతో కలిసి చూడటం అసౌకర్యంగానే ఉంటుందని ఆమె అంటోంది. అలాగని అలాంటి పాత్రలు చేయొద్దని అమ్మానాన్నలు తనని కట్టడి చేయరని ఆమె చెప్పుకొచ్చింది. ఈ సందర్భంగా తన పెళ్లిపై స్పందించిన ఈ ముద్దుగుమ్మ తాను ఖచ్చితంగా ప్రేమ పెళ్లి చేసుకుంటానని, అయితే చిత్ర పరిశ్రమకు చెందిన వ్యక్తిని మాత్రం అస్సలు చేసుకోనని చెప్పింది పాయల్.ప్రస్తుతం పాయల్ తెలుగులో ఓ లేడీ ఓరియెంటెడ్ సినిమాకి సైన్ చేసింది. గుణశేఖర్ వద్ద దర్శకత్వ శాఖలో పని చేసిన ప్రణదీప్ ఈ చిత్రానికి దర్శకత్వం వహిస్తుండగా.. ఇందులో ఆమె పవర్ ఫుల్ పోలీస్ ఆఫీసర్ గా నటిస్తున్నారు.