నాని ఆ సినిమా రిజెక్ట్ చేసి మంచి పని చేసాడు..

ఈ యేడాది విజయ్ దేవరకొండ హీరోగా క్రాంతి మాధవ్ దర్శకత్వంలో తెరకెక్కిన ‘వరల్డ్ ఫేమస్ లవర్’ సినిమా బాక్సాఫీస్ దగ్గర అతి పెద్ద డిజాస్టర్‌గా నిలిచింది. ఈ చిత్రంలో విజయ్ దేవరకొండ సరసన రాశీ ఖన్నా, కేథరిన్, ఐశ్వర్యా రాజేష్, ఇసబెల్ల హీరోయిన్స్‌గా నటించారు. ముందుగా ఈ సినిమా స్టోరీని దర్శకుడు క్రాంతి మాధవ్.. నానిని కలిసి వినిపించాడట. నాని కూడా ఈ కథ విని బాగానే ఇంప్రెస్ అయ్యాడు. అంతేకాదు క్రాంతి మాధవ్ చెప్పిన స్టోరీలో కొన్ని మార్పులు చేర్పులు చేస్తే బాగుంటుందని సలహాలు కూడా ఇచ్చాడట. దానికి క్రాంతి మాధవ్.. తన కథలో ఎలాంటి మార్పులు చేయడానికి అంగీకరించలేదట. ఆ తర్వాత దర్శకుడు క్రాంతి మాధవ్.. ఇదే కథను విజయ్ దేవరకొండకు వినిపించి ఓకే చేయించుకున్నాడు. కానీ ఈ సినిమా ఫస్ట్ డే ఫస్ట్ షో‌కే డిజాస్టర్ టాక్ సొంతం చేసుకుంది. అంతేకాదు విజయ్ దేవరకొండ కెరీర్‌లోనే బిగ్గెస్ట్ డిజాస్టర్‌గా నిలిచింది.
ఒకవేళ ఇదే  వరల్డ్ ఫేమస్ లవర్ సినిమాను నాని చేసి ఉంటే.. ఈ చిత్రం ఖచ్చితంగా ఫ్లాప్ అయ్యేది. నాని.. ఈ కథను రిజెక్ట్ చేసి మంచి పనే చేసాడంటూ ఆయన్ని మెచ్చుకుంటున్నారు. ఇక నాని ఈ విషయాలను రీసెంట్‌గా ఒక మీడియాకు ఇచ్చిన ఇంటర్వ్చూలో వెల్లడించాడు. మొత్తానికి నాని.. వరల్డ్ ఫేమస్ లవర్ స్టోరీని రిజెక్ట్ చేసి మంచి పనే చేసాడంటూ నాని ఫ్యాన్స్.. తమ అభిమాన హీరోకు కథలపై ఎంత పట్టు ఉందో చెబుతున్నారు. ప్రస్తుతం నాని హీరోగా నటించిన ‘వీ’ సినిమా రిలీజ్‌కు రెడీగా ఉంది. మరోవైపు నాని హీరోగా ‘టక్ జగదీష్’, ‘శ్యామ్ సింగరాయ్’ సినిమాలు లైన్‌లో ఉన్నాయి. ఈ సినిమాలన్ని కూడా ఈ యేడాదే విడుదల కానున్నాయి.