లేడీ సూపర్స్టార్ మారిపోయిందా?
cinema | Suryaa Desk | Published : Tue, Mar 10, 2020, 02:06 PM
సౌత్ లో అగ్రకథానాయికలలో లేడీ సూపర్స్టార్ నయనతార పేరు మొదట వినపడుతుంది. వయసు ముప్పై ఏళ్ళు దాటినా అటు యంగ్ హీరోలతో, ఇటు సీనియర్ హీరోలతో చిత్రాలు చేస్తూ బిజీబిజీగా ఉంటుంది. ఆమెకు ఉన్న క్రేజుకు తగ్గట్టుగానే ఆమె తీసుకునే రెమ్యునరేషన్ కూడా భారీగానే ఉంటుంది. ఒక్కసారి సినిమా షూటింగ్ పూర్తయ్యాక ఇక ప్రమోషన్స్ లో కానీ, ఆడియో లాంచ్ లలో కానీ ఈ ముద్దుగుమ్మ కనపడదు. అయితే నయన్ మారిందనే న్యూస్ ఇప్పుడు సోషల్ మీడియాలో బలంగా వినిపిస్తుంది. ఒకప్పుడు తానూ అడిగిన రెమ్యునరేషన్ ఇవ్వకపోతే స్టార్ హీరో సినిమానైనా వదులుకునే నయన్.. తాజాగా చిన్న సినిమాలో నటించడమే కాకుండా రెమ్యునరేషన్ కూడా తక్కువ తీసుకుంటుందట. అంతేకాదు సినిమా ప్రమోషన్స్ కి కూడా హాజరుకాని ఈ ముద్దుగుమ్మ ఇటీవలే మహిళా దినోత్సవం సందర్భంగా చెన్నై లోని ఓ కళాశాలలో జరిగిన ఉమెన్స్ డే సెలెబ్రేషన్స్ లో పాల్గొనడం హాట్ టాపిక్ అయ్యింది. దీంతో నయనతార మారిపోయిందంటూ నెటిజన్లు కామెంట్ చేస్తున్నారు.
|
|