పవన్ కోసం పూరి 'జనగణమన'?
cinema | Suryaa Desk | Published : Mon, Mar 16, 2020, 04:19 PM
పవన్ ప్రస్తుతం వరుస సినిమాలను లైన్ లో పెట్టుకున్నాడు. వేణు శ్రీరామ్ దర్శకత్వంలో నటిస్తున్న 'వకీల్ సాబ్' తర్వాత క్రిష్, హరీష్ శంకర్ ల సినిమాలు ప్రస్తుతం పవన్ సైన్ చేసిన వాటిలో ఉన్నాయి. ఇక వీరి సినిమాల తర్వాత మాస్ డైరెక్టర్ పూరి తో కూడా పవన్ సినిమా చేయడానికి ఓకే చెప్పాడు అనే వార్త వినపడుతోంది. పూరి తో పవన్ కళ్యాణ్ పక్కా పొలిటికల్ ఎంటర్టైనర్ చేయబోతున్నట్లుగా తెలుస్తుంది. విజయ్ 'ఫైటర్' తర్వాత పూరి పవన్ తో సినిమాకి రెడీ అవుతాడట. పూరి డ్రీమ్ ప్రాజెక్ట్ 'జనగణమన' స్క్రిప్టుతోనే పవన్ తో సినిమా చేస్తాడని... పొలిటికల్ పంచ్ లతో పవన్ ని హైలెట్ చెయ్యడమే కాకుండా, ఈ కథలో పవన్ ని సీఎం గా చూపించేందుకు స్క్రిప్ట్ లో కొన్ని మార్పులు చేర్పులు చేస్తాడట. పవన్ ఇమేజ్ కి తగ్గట్టుగా జనగణమన స్క్రిప్ట్ లో మార్పులు జరుగుతాయని.. పొలిటికల్ సెటైర్స్ మెయిన్ థీమ్ గా కథని మారుస్తాడనే న్యూస్ ఇప్పుడు ఫిలింసర్కిల్స్ లో చక్కర్లు కొడుతోంది. ప్రస్తుతం ఈ విషయంపై ఎలాంటి అధికారిక ప్రకటన రాలేదు.
|
|