ఇట్స్ ఏ ఫ్యామిలీ టైం..
cinema | Suryaa Desk | Published : Wed, Mar 18, 2020, 04:34 PM
కరోనా భయంతో స్కూల్స్, థియేటర్స్, షూటింగ్స్, పెళ్ళిళ్ళు అని బంద్. మన స్టార్ హీరోలందరూ.. తమ సినిమాల్ని చకా.. చకా… సెట్స్ పైకి తీసుకెళ్లడమే కాకుండా.. వీలైనంత త్వరగా ఆ చిత్రాన్ని ఫినిష్ చేసే పనిలో బిజీగా గడుపుతుంటారు. షూటింగ్ మధ్యలో కూడా మిగిలిన దర్శకులు తెచ్చిన కథల్ని వింటుంటారు. ఇక షూటింగ్ లేకపోయినా అదే పని మీద.. అంటే తమ తర్వాతి సినిమా గురించి కథలు వినే పనిలోనే ఉంటుంటారు. ఇక సినిమా విడుదలయ్యే ముందు నుండీ వరుస ప్రమోషన్స్ లో పాల్గొంటూ.. అలాగే మీడియా వారికి ఇంటర్వ్యూలు ఇస్తూ సినిమాకి మంచి ఓపెనింగ్స్ వచ్చేలా కష్టపడుతుంటారు.ఇలా క్షణం తీరిక లేకుండా.. గడిపే మన హీరోలకు.. అనుకోకుండా హాలిడేస్ వచ్చాయి. అయితే హాలిడేస్ దొరికితే ఫారిన్ టూర్లకు చెక్కేస్తుంటారు. కానీ ఇప్పుడు అంత సినిమా లేదు. ప్రపంచ వ్యాప్తంగా కరోనా మహమ్మారి.. ప్రతీ ఒక్కరిని గజ గజ వణికించేస్తుంది. అందుకే షూటింగ్ లు మొత్తం క్యాన్సిల్ చేసేసారు. 'ఆర్.ఆర్.ఆర్' వంటి భారీ మల్టీ స్టారర్ కం.. పాన్ ఇండియా చిత్రంతో పాటు మెగాస్టార్ చిరంజీవి - కొరటాల కాంబినేషన్లో తెరకెక్కుతోన్న చిత్రం కూడా క్యాన్సిల్ అయ్యింది. 'ప్రభాస్ 20' టీం కూడా ఈరోజు హైదరాబాద్ కు చేరుకుంది. మహేష్ బాబు సినిమా ఎలాగూ మొదలు కాలేదు. ఇక మాల్స్, థియేటర్లు కూడా బంద్ అయ్యాయి. కాబట్టి మన స్టార్ హీరోలు ఎక్కడికీ వెళ్ళేది లేదు. ఇంట్లోనే గడుపుతున్నారు. మహేష్, బన్నీ, ఎన్టీఆర్ లు ఇంట్లోనే ఉంది తమ పిల్లలతో ఆడుకుంటున్నారు.
|
|