జబర్దస్త్‌ కి బ్రేక్ ఇచ్చిన రోజా... మరి కొత్త జడ్జి ఎవరు..?

తెలుగు బుల్లితెరపై జబర్దస్త్ కామెడీ షోకు ఉన్న క్రేజ్ గురించి ఎంతని చెప్పాలి. అది తెలిసే చాలా మంది తమ సినిమా ప్రమోషన్స్ కోసం కూడా అక్కడికి వస్తుంటారు.  జబర్దస్త్‌లో విచిత్రాలు చాలా కనిపిస్తున్నాయి. ఈ వారం కనిపించిన జడ్జిలే వచ్చే వారం కనిపించడం లేదు. గతేడాది సెప్టెంబర్ వరకు రోజా, నాగబాబు జడ్జిలుగా ఉన్నారు. కానీ ఉన్నట్లుండి నాగబాబు మానేయడంతో అసలు కన్ఫ్యూజన్ మొదలైంది. జీ తెలుగుకు నాగబాబు వెళ్లిపోయిన తర్వాత కూడా వారానికో కొత్త జడ్జి వస్తున్నారు అయితే అందులో రోజా మాత్రం కచ్చితంగా ఉంది. కానీ ఇప్పుడు ఆమె కనిపించలేదు. వచ్చే వారం రోజా మిస్ అయింది. ఇప్పుడు విడుదలైన ప్రోమోలో ఆమె కనిపించడం లేదు. పూర్తిగా దూరమైందని కాదు కానీ గ్యాప్ అయితే తీసుకుంటుంది. ప్రస్తుతం ఈమె రాజకీయంగా కూడా చాలా బిజీ.దానికి తోడు APIIC ఛైర్మన్ కూడా. అందుకే అప్పుడప్పుడూ బ్రేకులు తప్పడం లేదు. ఎంత బ్యాలెన్స్ చేసినా కూడా అప్పుడప్పుడూ కనిపించడం లేదు రోజా. నాగబాబు మానేసిన తర్వాత తొలిసారి జబర్దస్త్‌లో రోజా కనిపించలేదు. ఆమె స్థానంలో శేఖర్ మాస్టర్ వచ్చాడు. మరో జడ్జిగా మనో ఉన్నాడు. ఈయనే ఇకపై కంటిన్యూ కానున్నాడు కూడా. ఇప్పటికే విడుదలైన ప్రోమో వైరల్ అవుతుంది. ఇందులో బుల్లెట్ భాస్కర్, అప్పారావు గొడవ కూడా బాగానే వైరల్ అవుతుంది. రోజా కనిపించకపోవడానికి ప్రత్యేకంగా కారణాలు అయితే ఏమీ లేవు.ప్రస్తుతం రాజకీయాలతో బిజీగా ఉంది ఈమె. దానికి తోడు ఈ మధ్యే జెమినిలో అమ్మ సరిలేరు నీకెవ్వరు షో కూడా ఒప్పుకుంది. బతుకు జట్కాబండి కూడా చేస్తుంది. కొన్నిరోజులుగా బతుకు జట్కాబండిలో కూడా రోజా బదులు పోసాని వస్తున్నాడు. దీన్నిబట్టి చూస్తే జబర్దస్త్ షోలో మాత్రమే కాదు మిగిలిన షోలలో కూడా రోజా కనిపించడం లేదన్నమాట. ఎక్స్ ట్రా జబర్దస్త్ షోలో కనిపించకపోయినా కూడా జబర్దస్త్‌లో మాత్రం రోజా ఉంది. కొన్ని రోజులు బ్రేక్ తర్వాత మళ్లీ ఆమె రీ ఎంట్రీ ఇవ్వనుంది.