ఇక నుండి మరింత జాగ్రత్తగా ఉంటా : రాశి ఖన్నా
cinema | Suryaa Desk | Published : Tue, Mar 24, 2020, 01:02 PM
ఒకటి రెండు కాదు వరసుగా అవకాశాలు తలుపుతట్టినా ఇంకా బ్రేక్ రాలేదని బాధపడుతున్న హీరోయిన్ రాశీఖన్నా. ఎప్పుడో ఊహలు గుసగుసలాడే చిత్రంతో టాలీవుడ్ అరంగేట్రం చేసిన ఆమె ఇటీవలే వెంకీమామ, ప్రతిరోజు పండగే చిత్రాల్లో నటించింది. ఈ రెండు మంచి విజయం సాధించాయి. ఇదే సమయంలో విజయ్ దేవరకొండతో వరల్డ్ ఫేమస్ లవర్ చిత్రంలో నటించింది. ఆమె ఎంతో ఆశపెట్టుకున్న సినిమా ఇది. కానీ చిత్రంగా ఈ సినిమా కమర్షియల్గా పూర్తిగా నిరాశపరిచింది. మంచి బ్రేక్కోసం చూసిన రాశీఖన్నాకు ఇది నిరాశపరిచిన విషయం. విజయ్ దేవరకొండ సినిమా హిట్ అయిన ఉన్న పక్షంలో స్టార్ హీరోల పక్కన ఛాన్స్ దక్కేది. కానీ సీన్ రివర్స్ అయింది. సినిమాల ఎంపికలో జాగ్రత్తగా ఉన్నప్పటికీ అప్పుడప్పుడు పొరపాట్లు జరుగుతూనే ఉంటాయి. ఈ విషయాన్ని ఆమె అంగీకరిస్తూనే ఇక నుండి మరింత జాగ్రత్తగా ఉంటానని అంటోంది. తమిళంలో రెండు సినిమాల్లో నటిస్తోంది. అలాగే సాయితేజతో మరోసారి రొమాన్స్ చేయనుంది.
|
|