దాతృత్వాన్ని చాటుకుంటున్న రాజశేఖర్ దంపతులు...

గ్లామర్‌ ప్రపంచంలో ఆర్టిస్టుల వరకు ఆర్థికంగా బావుంటుంది. మిగతా కష్టజీవుల పరిస్థితి మాత్రం ఆందోళన కరం. ప్రతి రోజు పని దొరుకుతుందనే నమ్మకం లేదు. నెలలో పది, పదిహేను రోజులు మాత్రమే పనిచేసే కార్మికులు ఉన్నారు. ఉన్నదాంట్లోనే సర్దుకుంటున్న వారికి ఇంకా తీవ్రమైన కష్టాలు కరోనా వైరస్‌ రూపంలో వచ్చాయి. రెండు వారాలుగా షూటింగ్‌లు రద్దయ్యాయి. విడుదల కావాల్సిన చిత్రాలు ఆగిపోయాయి. దీనివల్ల కార్మికులు పస్తులు ఉండాల్సి వస్తోంది. ఇంటికే పరిమితం కావాలని ప్రభుత్వం హెచ్చరించిన దరిమిలా ఇబ్బంది పడుతున్నారు. కార్మికుల పరిస్థితి హీరోలకు, హీరోయిన్లకు, టాప్‌ డైరెక్టర్లకు తెలియంది కాదు. ఒక సినిమా కోసం 24 విభాగాలుగా పనిచేస్తాయి. వీరిలో భారీ పారితోషికం తీసుకునే వారు కొద్దిమంది మాత్రమే ఉంటారు. మిగతా వర్గాలన్ని రోజువారి వేతనం తీసుకునేవారే. భద్రతలేని జీవితాన్ని గడుపుతున్న వీరిని ఆదుకోవడానికి ప్రముఖ హీరో రాజశేఖర్‌ దంపతులు ముందుకువచ్చారు. కొద్ది రోజులకు సరిపడ సరుకులు ఇస్తున్నారు. ఫిల్మ్‌ డిస్ట్రీబ్యూటర్‌ బుర్రా ప్రశాంత్‌ గౌడ్‌ ఒక్కో కుటుంబానికి వెయ్యి రూపా యల విలువైన నిత్యావస రాలను అందజేస్తు న్నారు. సుమారు 500 కుటుంబాలకు అందిస్తామని ఆయన తెలిపారు. తెలుగు సినీ దర్శకుల సంఘం సైతం తమ సభ్యులను ఆదుకోవడానికి ముందుకు వచ్చింది. నిత్యావసర సరుకులు కొనుక్కోలేని వారికి అండగా నిలుస్తామని దర్శకుల సంఘం అధ్యక్షు డు ఎన్‌. శంకర్‌ ఒక ప్రకటనలో తెలిపారు. ఇప్పటికే కరోనా వైరస్‌ వ్యాప్తి నిరోధానికి నటుడు నితిన్‌ రెండు తెలుగు రాష్ట్ర ప్రభుత్వాలకు పది లక్షల చొప్పున విరాళం ప్రకటించారు. విలక్షణ నటుడు ప్రకాష్‌ రాజ్‌ సైతం దీనిపై స్పందించారు. తన సిబ్బందికి మే నెల వరకు జీతాలు ఇచ్చారు. మరికొంత మంది ఆర్టిస్టులు కూడా కార్మికులను ఆదుకోవడానికి ముందుకువచ్చే ఆలోచనతో ఉన్నట్టు తెలిసింది. తమిళనాడు విషయానికి వస్తే దక్షిణ భారత సినీ కార్మికులను ఆదుకోవ డానికి తమిళ హీరోలు ముందుకు వస్తు న్నారు. ఇప్పటికే తమిళ సూపర్‌స్టార్‌ రజనీకాంత్‌ 50 లక్షలు విరాళం ప్రకటించి ఆదర్శంగా నిలిచారు. హీరో సూర్య, కార్తీలు కూడా పది లక్షలు ప్రకటించారు. వర్ధమాన హీరో విజయ్‌ సేతుపతి పది లక్షల విరాళాన్ని ఇస్తున్నట్టు వెల్లడించారు. వీరిని ఫాలో అవుతూ ఇతర ఆర్టిస్టులు సైతం విరాళం ప్రకటించనున్నట్టు తెలిసింది. కార్మికులను ఆదుకునే విష యంలో తెలుగు హీరోలు, హీరోయి న్లు, స్టార్‌ డైరెక్టర్లు మా త్రం ముందుకురాక పోవడం పట్ల విమర్శలు వస్తున్నాయి. సినీరం గంలో ఎవరిదైనా సరే వ్యక్తిగత విజయం కాదు. అందరు కలిస్తేనే సక్సెస్‌ లభిస్తుంది. తమ సహచరులు కష్టాల్లో ఉన్న ప్పుడు ముఖ్యంగా నిత్యావసర వస్తువులకు ఇబ్బంది పడుతున్న పుడు ఆదుకోవలం కనీస బాధ్యత అనే కామెంట్స్‌ వినిపిస్తున్నాయి. దీనిపై టాలీవుడ్‌ తారలు ఏ విధంగా స్పందిస్తారో చూడాలి.