నిర్మాత పై హీరోయిన్ సంచలన కామెంట్స్
cinema | Suryaa Desk | Published : Fri, Apr 10, 2020, 12:51 PM
సినిమా ఇండస్ట్రీలో మీటూ బాధలు రోజుకొకటి బయటికి వస్తున్నాయి. ప్రతి ఒక్కరు తాము క్యాస్టింగ్ కౌచ్ ను ఎదుర్కున్నామని ఏదో సందర్బంలో బయటికి చెబుతున్నారు. తాజాగా బాలీవుడ్ హీరోయిన్ మాన్వీ గాగ్రూ ఓ నిర్మాత పై సంచలన కామెంట్స్ చేసింది. తాజాగా ఓ ఇంటర్వ్యూలో తనకు జరిగిన గత అనుభవాలను ఆమె తెలిపింది. ఉజ్డా చమన్ సినిమాతో మాన్వి గాగ్రూ గుర్తింపు తెచ్చుకుంది. పలు సీరియళ్లలో కూడా నటించింది. ఆమె ఏం అన్నదంటే… “తాను ఇటీవల ఓ వెబ్ సిరీస్ లో నటించాలని నిర్మాత చెబితే వెళ్లాను. అక్కడికి వెళ్లిన తర్వాత రెమ్యూనరేషన్ తక్కువ ఉండడంతో రెమ్యూరేషన్ ఎక్కువ కావాలని అడిగాను. దానికి ఆ నిర్మాత ఏ మాత్రం వెనుకాడకుండా తనతో గడిపితే అంతకు మూడు రెట్లు ఎక్కువ ఇస్తానన్నాడు. దాంతో అతనిని చెడమటా తిట్టేసి బయటకు వచ్చాను. అంతకు ముందు సినిమాలలో అవకాశం కోసం పోతే అక్కడ ఆడిషన్స్ జరిగాయి. అత్యాచారయత్నం సీన్ లో నటించాలని చెత్తగా ఉన్న ఆఫీసులోకి తీసుకుపోయారు. అక్కడ కేవలం ఒక పడక మంచం మాత్రమే ఉంది. నాకు అప్పుడే డౌట్ వచ్చింది. కేవలం ఇద్దరు మాత్రమే ఉన్నారు. భయంతో అక్కడి నుంచి తప్పించుకొని వచ్చాను. ఒక్కోసారి ఇవి తలుచుకుంటే నిద్ర కూడా రాదు.” అని మాన్వి ఇంటర్వ్యూలో తెలిపింది. మీటూ పై రోజుకో కథ బయట పడుతున్నా ఎవరూ పెద్దగా స్పందించడం లేదు. మాన్వి ఆ నిర్మాత పేరు మాత్రం చెప్పలేదు. ప్రస్తుతం ఆమె వ్యాఖ్యలు హాట్ టాపిక్ గా మారాయి.
|
|