కాజల్ కి సినిమాలే సినిమాలు.. తాజాగా మరో స్టార్ హీరో తో..
cinema | Suryaa Desk | Published : Mon, Apr 13, 2020, 01:54 PM
కాజల్ అగర్వాల్.. కెరీర్ మొదలై 12 ఏళ్లైనా కూడా ఇప్పటికీ అదే జోరు చూపిస్తోంది ఈ అందాల చందమామ. ఇప్పటికీ వరుస సినిమాలతో అదరగొడుతోనే ఉంది. ఓ వైపు కుర్ర హీరోలతో నటిస్తూనే సినీయర్స్ కూడా రొమాన్స్ చేస్తోంది. కాజల్ ప్రస్తుతం ‘ముంబై సాగా అనే హిందీ సినిమాలో నటిస్తుండగా.. మరోవైపు కమల్ హాసన్ హీరోగా వస్తోన్న ఇండియన్ 2’ చిత్రంలో కీలక పాత్రలో కనిపించనుంది. తాజాగా కాజల్ మెగాస్టార్ చిరంజీవి, కొరటాల శివ కాంబినేషన్లో వస్తోన్న ‘ఆచార్య’లో చిరంజీవి సరసన నటించే అవకాశం దక్కించుకుంది. ఇలా మొత్తం మూడు పెద్ద ప్రాజెక్ట్స్ చేస్తున్న ఆమె చేతికి మరో భారీ చిత్రం కూడా వెళ్ళినట్టు తెలిసింది. తమిళ సూపర్ స్టార్ విజయ్, మురుగదాస్ కాంబినేషన్లో ‘తుపాకి 2’ మొదలుకానుంది. ఇందులో హీరోయిన్గా కాజల్ నటించే అవకాశం ఉందని తెలుస్తోంది. మురుగదాస్ దర్శకత్వంలో విజయ్ హీరోగా వచ్చిన తుపాకి మంచి విజయం సాధించింది. అది అలా ఉంటే కాజల్కు మరో అవకాశం వచ్చినట్లు తెలుస్తోంది. నాలుగు రోజుల క్రితం చిరంజీవి నటిస్తున్న 'ఆచార్య' చిత్రంలో నటించే అవకాశాన్ని దక్కించుకున్న కాజల్ లేటెస్ట్గా చిరు తమ్ముడు పవన్కళ్యాణ్ సరసన కూడా నటించే లక్కీ ఛాన్స్ని అంది పుచ్చుకుంది. పవన్కళ్యాణ్, హరీష్శంకర్ కాంబినేషన్లో త్వరలోనే ఓ సినిమా పట్టాలెక్కనుంది. ఇందులోనూ కాజల్నే ఎంపికను చేశారట చిత్రబృందం. గతంలో పవన్, కాజల్ కాంబినేషన్లో వచ్చిన 'సర్దార్ గబ్బర్సింగ్' చిత్రంలో ఈ ఇద్దరూ అదరగొట్టిన సంగతి తెలిసిందే.
|
|