సూపర్ స్టార్ కృష్ణ పుట్టినరోజున మహేశ్ కొత్త సినిమా పూజా కార్యక్రమాలు
cinema | Suryaa Desk | Published : Tue, Apr 14, 2020, 05:08 PM
మహేష్ బాబు తాజాగా 'సరిలేరు నీకెవ్వరు' సినిమాతో సూపర్ హిట్ అందుకున్నాడు. అనిల్ రావిపూడి దర్శకత్వంలో వచ్చిన ఈ సినిమా సంక్రాంతి సందర్భంగా విడుదలై బాక్సాఫీస్ దగ్గర మంచి కలెక్షన్స్ను రాబట్టింది. మహేష్కు జంటగా రష్మిక మందన నటించగా మరో కీలక పాత్రలో విజయశాంతి నటించి సినిమాకు ఎస్సెట్గా నిలిచారు.తన తదుపరి సినిమాను సెట్ చేసుకునే విషయంలో అనుకోకుండా ఆలస్యం జరిగిపోయింది. అందువలన ఆయన తన తదుపరి సినిమాను సాధ్యమైనంత త్వరగా మొదలుపెట్టేయాలనే ఆలోచనలో వున్నాడట. ఆయన తన తదుపరి సినిమాను పరశురామ్ తో చేయనున్నాడు.గతంలో మహేశ్ బాబుతో 'శ్రీమంతుడు'ను నిర్మించిన మైత్రీ మూవీ మేకర్స్ వారు ఇప్పుడీ సినిమాను నిర్మించనున్నారు. పరశురామ్ దర్శకత్వం వహించనున్న ఈ సినిమాను కృష్ణ పుట్టిన రోజైన మే 31వ తేదీన లాంచ్ చేయనున్నట్టు తెలుస్తోంది. ఆ తరువాత రెగ్యులర్ షూటింగుకు వెళ్లే దిశగానే పనులను పూర్తి చేస్తున్నారట. వచ్చే ఏడాది సంక్రాంతికి ఈ సినిమాను విడుదల చేయాలనే నిర్ణయానికి వచ్చినట్టుగా సమాచారం.
|
|