'వకీల్ సాబ్' వచ్చే ఏడాదిలోనే విడుదల
cinema | Suryaa Desk | Published : Sun, Apr 26, 2020, 12:08 PM
పవన్ కళ్యాణ్ రెండేళ్ల గ్యాప్ తరువాత మళ్లీ సినిమాలో నటించడానికి రెడీ అయ్యాడు. అనుకున్న వెంటనే హిందీ మూవీ పింక్ ని రీమేక్ చేయాలనీ డిసైడ్. ఏమాత్రం లేట్ చేయకుండా షూటింగ్ కూడా గ్యాప్ లేకుండా స్టార్ చేసారు. షూటింగ్ త్వరగా కంప్లీట్ చేసుకుని సమ్మర్ రిలీజ్ చేయాలనీ ప్లాన్ కూడా చేసుకున్నారు మేకర్స్. కానీ లాక్ డౌన్ వల్ల షూటింగ్స్ ఆగిపోవడంతో దసరాకి వెళుతుందని భావించారు.లాక్ డౌన్ కారణంగా ఆగిపోయిన ఈ సినిమా షూటింగు, లాక్ డౌన్ ఎత్తేయగానే మొదలుకానుంది. హిందీలో విజయవంతమైన 'పింక్' సినిమాకి ఇది రీమేక్.ఇక లాక్ డౌన్ తీసేసినప్పటికీ జనంలో భయంపోయి మునుపటిలా థియేటర్స్ కి రావడానికి చాలా సమయమే పడుతుందని విశ్లేషకులు అభిప్రాయపడుతున్నారు. అందువలన 'వకీల్ సాబ్' షూటింగు పూర్తయినప్పటికీ, నిర్మాత 'దిల్' రాజు ఇప్పట్లో ఈ సినిమాను విడుదల చేసే ఆలోచన చేయడం లేదట. సంక్రాంతికి ఈ సినిమాను విడుదల చేయాలని ఆయన భావిస్తున్నాడట. ఆ సమయంలో పెద్ద సినిమాలు రంగంలో వుంటే, రిపబ్లిక్ డే సందర్భాన్ని పురస్కరించుకుని ఈ సినిమాను విడుదల చేయాలనే నిర్ణయానికి ఆయన వచ్చినట్టుగా చెబుతున్నారు.
|
|