ఆ హీరోయిన్ పై మరో కేసు నమోదు!
cinema | Suryaa Desk | Published : Fri, Jul 31, 2020, 01:22 PM
సీనియర్ నటులు మంజుల, విజయ్ కుమార్ దంపతుల పెద్ద కూతురు వనిత విజయ్ కుమార్ ముచ్చటగా మూడో పెళ్లి చేసుకున్న సంగతి తెలిసిందే. ఇటీవలే వనిత మూడో భర్తగా పీటర్ పాల్ అనే వ్యక్తి ఆమె జీవితంలోకి ఎంటర్ అయ్యాడు. అయితే వీరి వివాహం జరిగిన మరునాడే ఈ కొత్త జంటపై పోలీస్ కేసు నమోదు కావడంతో అంతా షాకయ్యారు. తనకు విడాకులు ఇవ్వకుండానే తన భర్త పీటర్ పాల్.. వనితను పెళ్లి చేసుకున్నాడంటూ పీటర్ మొదటి భార్య ఎలిజిబెత్ హెలెన్ కేసు పెట్టింది. అయితే ఈ వ్యవహారం ఇంతటితో ఆగకుండా వనిత విజయ్ కుమార్పై వరుసపెట్టి పోలీస్ కేసులు నమోదవుతుండటం తీవ్ర చర్చనీయాంశంగా మారింది. టిఒఐ కథనం మేరకు.. వనిత మూడో పెళ్లి చేసుకోవడం సినీ వర్గాల్లో హాట్ టాపిక్ కావడంతో పలు మీడియా ఛానెళ్లు ఆమెతో చర్చా వేదికలు నిర్వహించాయి.ఈ క్రమంలో ఓ టీవీ ఛానల్ చర్చా కార్యక్రమంలో పాల్గొన్న వనిత.. సినీ నటి,దర్శకురాలు లక్ష్మీ రామకృష్ణన్పై అనుచిత వ్యాఖ్యలు చేసింది. నీకు ఒక్క భర్త ఉంటే మాత్రం ఏమన్నా పతివ్రతవా అంటూ ఆమెపై రెచ్చిపోయింది. దీంతో వనితపై లక్ష్మీ రామకృష్ణన్ పోలీస్ కేసు పెట్టింది. ఇలా ఇప్పటికే వనితపై రెండు పోలీస్ కేసులు నమోదు కాగా తాజాగా ఆమె నివాసం ఉంటున్న అపార్ట్మెంట్ ప్రెసిడెంట్ కూడా పోలీసులకు ఫిర్యాదు చేశారు. కరోనా సమయంలో ఎక్కువమంది జనాలను పిలిచి వేడుక చేసుకోవడంతో పాటు అడిగితే దురుసుగా వ్యవహరిస్తోందంటూ పోలీసులకు ఫిర్యాదు చేశారు. దీంతో మూడో పెళ్లి తర్వాత వనిత విజయ్ కుమార్ వ్యవహరిస్తున్న తీరుపై జనాల్లో ఆగ్రహావేశాలు నెలకొన్నాయి.
|
|