ఆ ఐదున్నరేళ్లు నరకం చూశా: హీరోయిన్ నమిత
cinema | Suryaa Desk | Published : Thu, Feb 04, 2021, 01:05 PM
నటించిన సినిమాలు తక్కువే అయినా కొందరు అందరికీ గుర్తుండిపోతారు. అలాంటి వారిలో హీరోయిన్ నమిత ఒకరు. 'సొంతం' సినిమాతో కథానాయికగా ఎంట్రీ ఇచ్చిన ఈ భామ..అనంతరం 'జెమినీ', 'బిల్లా' 'సింహా' వంటి సినిమాలతో తెలుగు ప్రేక్షకులకు బాగా దగ్గరయ్యారు. కెరీర్లో ఆరంభంలో సన్నగా ఉన్న ఈ ముద్దుగుమ్మ 'బిల్లా', 'సింహా' సినిమాల్లో బొద్దుగా కనిపించి అందర్నీ షాక్కు గురిచేశారు. అనంతరం విపరీతంగా లావు అయ్యింది. ఆ వెనువెంటనే పెళ్లి కూడా చేసుకున్నారు.
అయితే తాను లావుగా అయినప్పుడు కొందరు కావాలనే దుష్ప్రచారం చేశారని నమిత ఆరోపించారు. మద్యం తాగడం వల్లే నేను బరువు పెరిగానని అంతా ప్రచారం చేశారని ఆవేదన వ్యక్తం చేశారు. తాను డిప్రెషన్ కారణంగా ఐదున్నరేళ్ల పాటు నరకం చూశానని పేర్కోంది. ఈ కారణంగా తాను ఎన్నో నిద్ర లేని రాత్రులు గడిపానని..బాగా నిద్ర పోవడం కోసం అతిగా తినేసేదాన్నని చెప్పుకొచ్చారు.
దీనికితోడు థైరాయిడ్ సమస్య కూడా ఉండటంతో బరువు విపరీతంగా పెరిగానని స్పష్టం చేశారు. అయితే చాలామందికి ఈ విషయాలు తెలియక తప్పుడు ప్రచారాలు చేశారని నమిత ఆవేదన వ్యక్తం చేసింది. అయితే ప్రస్తుతం తన ఆరోగ్యం చాలా బాగుందని.. సినిమా అవకాశాలు వస్తే నటిస్తానని పేర్కోంది. మంచి అవకాశం వస్తే చేసేందుకు తాను సిద్ధంగా ఉన్నట్లు హీరోయిన్ నమిత స్పష్టం చేశారు.
|
|