బిగ్ బాస్ హౌజ్ లో రెచ్చిపోతున్న కంటెస్టెంట్స్!

బిగ్ బాస్ తెలుగు సీజ‌న్-5 లో రెండో వారంలోనే కంటెస్టెంట్స్ మధ్య పెద్ద పెద్ద గొడవలు జరుగుతున్నాయి. మంగ‌ళ‌వారం ఎపిసోడ్ లో ,కొంతమంది కంటెస్టెంట్స్ ఒకరికొకరు తిట్టుకోవడం, నెట్టుకోవడం, కిందపడేయటం లాంటివి జరిగాయి. నామినేష‌న్ కోసం రెండు టీంలుగా విడిపోయిన హౌజ్ స‌భ్యులు కెప్టెన్సీ కంటెండ‌ర్ టాస్క్ లోనూ జట్లుగానే తలపడ్డారు. ‘పంథం నీదా నాదా’ అనే టాస్క్‌ లో భాగంగా ముందు దొంగ‌లున్నారు జాగ్ర‌త్త అనే టాస్క్ ఇచ్చారు. ఈ టాస్క్ కోసం హౌజ్‌ మేట్స్ బాగానే కుస్తీలు ప‌డ్డారు. యాక్టివిటీ ఏరియాలో ఇరు జట్లకు సంబంధించిన డగౌట్స్ ఉంచ‌గా, నక్క టీమ్‌( ఉమాదేవి, లహరి, రవి, జెస్సీ, మానస్‌, సన్నీ, కాజల్‌, శ్వేత, నటరాజ్‌)కు సంబంధించిన డగౌట్స్‌లో గద్ద టీమ్‌( లోబో, యానీ మాస్టర్‌, శ్రీరామ్‌, ప్రియ, హమీదా, విశ్వ, సిరి, షణ్ముఖ్‌, ప్రియాంక)కు చెందిన బ్యాటెన్స్‌(పిల్లోస్‌) ఉంచారు. ఇక‌ గద్ద టీమ్‌ డగౌట్స్‌ లో నక్క టీమ్‌ కు చెందిన పిల్లోస్ ఉన్నాయి. డ‌గౌట్స్‌ లో పిల్లోలు ఎవ‌రు ఎక్కువ నింపుకుంటే అవి ప్లాగ్స్‌ గా లెక్కించ‌బ‌డ‌తాయి. ఎవ‌రి ద‌గ్గ‌ర ఎక్కువ ప్లాగ్స్ ఉంటాయో వారినే విజేతలుగా ప్రకటిస్తామని బిగ్ బాస్ తెలిపారు. పిల్లోస్ లాక్కునేందుకు కంటెస్టెంట్స్ తీవ్రంగా గొడవ పడ్డారు. కొంతమందికి దెబ్బ‌లు కూడా తగిలాయి. ఎవరికెన్ని గాయలవుతున్నా ఆటలో గెలవాలనే కసి కంటెస్టెంట్స్ లో కనిపించింది. ఒకానొక సంద‌ర్భంలో పిల్లోస్ లాక్కునేందుకు సిరి ష‌ర్ట్‌ లో స‌న్నీ చేయి పెట్టాడంటూ ఆమె పెద్ద గొడ‌వ చేసింది. దానికి స‌న్నీ నేను అలా చేయ‌లేద‌ని అన్నాడు. ఈ విషయం గురించి కొంతసేపు పెద్ద వాగ్వాదమే జరిగింది. ఇక టాస్క్ హోరాహోరీగా సాగుతున్న స‌మ‌యంలో లోబో క‌ళ్లు తిరిగి కుప్ప‌కూలిపోయాడు. దీంతో అత‌నిని మెడిక‌ల్ రూంకి త‌ర‌లించారు. ఇక టాస్క్‌ లో భాగంగా ర‌వి, విశ్వ మ‌ధ్య గొడ‌వ జరిగింది. త‌ర్వాత ర‌వి వెళ్లి విశ్వ‌కు సారీ చెప్పాడు. సింగర్ శ్రీరామ చంద్ర వచ్చినప్పటి నుండి నన్నెందుకు టార్గెట్ చేస్తున్నావని కాజల్ పై ఫైర్ అయ్యాడు. లోబో కి అలా జరగడంతో సన్నీ కన్నీళ్లు పెట్టుకున్నాడు. లోబో కి బాగోలేకపోయినప్పుడు కూడా గేమ్ ఆడటానికి చూస్తున్నావా, నువ్ అతని బెస్ట్ ఫ్రెండ్ కదా అంటూ రవిపై కొంతమంది ఫైర్ అయ్యారు. మొత్తానికి ‘దొంగలున్నారు జాగ్రత్త’టాస్క్ చాలా ర‌స‌వ‌త్త‌రంగా సాగింది. ఇక రెండో టాస్క్‌ ‘సాగరా సోదరా’ నేటి ఎపిసోడ్‌ లో ప్ర‌సారం కానుంది. ‘సాగరా సోదరా’ టాస్క్ కోసం ‘దొంగలున్నారు జాగ్రత్త’ ను పాస్ చేశారు.