‘ఆహా’ లో ఫన్ రైడర్ సిరీస్ గా మారుతి ‘త్రీ రోజెస్’.. ఈ ముగ్గురు హీరోయిన్స్ ఎవరబ్బా?
cinema | Suryaa Desk | Published : Fri, Oct 01, 2021, 06:18 PM
తెలుగు ప్రేక్షకులకు తిరుగులేని ఎంటర్టైన్మెంట్ను అందిస్తూ.. వారి హృదయాల్లో చెరగని స్థానాన్ని దక్కించుకున్న హండ్రెడ్ పర్సెంట్ తెలుగు ఓటీటీ మాధమ్యం ‘ఆహా’. ఇందులో సరికొత్త ఎగ్జైటింగ్ వెబ్ సిరీస్ ‘3 రోజెస్’ ఆడియెన్స్ను అలరించనుంది. ‘ఈరోజుల్లో’, ‘భలే భలే మగాడివోయ్’, ‘ప్రతిరోజూ పండగే’, ‘మహానుభావుడు’ వంటి సూపర్ డూపర్ చిత్రాలను తెరకెక్కించిన దర్శకుడు మారుతి ఈ సిరీస్కు షో రన్నర్గా వ్యవహరిస్తున్నారు.
డిజిటల్ మాధ్యమంలో ముగ్గురు హీరోయిన్స్ నటిస్తున్న తొలి వెబ్ సిరీస్ ఇదే. రవి నంబూరి రాసిన ఈ సిరీస్ను మ్యాగీ డైరెక్ట్ చేశారు. విజయ్ దేవరకొండతో ‘ట్యాక్సీవాలా’ చిత్రాన్ని నిర్మించిన ఎస్.కె.ఎన్ యాక్షన్ కట్ మూవీస్ ఎల్ఎల్పి బ్యానర్పై ‘3 రోజెస్’ మూవీని నిర్మిస్తున్నారు. ఈ వెబ్ సిరీస్కు సంబంధించిన ఫస్ట్ పోస్టర్ విడుదల చేశారు. పోస్టర్లో ఈ సిరీస్లో నటిస్తున్న ముగ్గురు హీరోయిన్స్ బార్లో కనిపిస్తున్నారు.
ఈ పోస్టర్కు ‘బ్లూమింగ్ సూన్’ అనే ట్యాగ్లైన్ పెట్టారు. ఇందులో నటించే ముగ్గురు హీరోయిన్స్ ఎవరా అనే ఆసక్తి అందరిలోనూ కలిగింది. పోస్టర్ను గమనిస్తే ప్రొడక్షన్ డిజైన్, కలర్ఫుల్ కాస్ట్యూమ్స్తో అందరి అటెన్షన్ సంపాదించుకుంది. అసలు ‘3 రోజెస్’ సిరీస్లో ఎవరు నటిస్తారనే క్యూరియాసిటీ నెలకొంది ప్రేక్షకుల్లో.
|
|