ట్రెండింగ్
హీరో నాని వ్యాఖ్యలపై దిల్ రాజు క్లారిటీ
cinema | Suryaa Desk | Published : Mon, Dec 27, 2021, 06:10 PM
ఏపీలో సినిమా టిక్కెట్ల రేట్లపై హీరో నాని చేసిన వ్యాఖ్యలను తప్పుగా అర్థం చేసుకున్నారని దిల్ రాజు అన్నారు. నాని చెప్పిన విషయం వేరు.. అది వెళ్లిన తీరు వేరు అని దిల్రాజు చెప్పారు. ఏపీలో సినిమా థియేటర్ల గురించి హీరో నాని ఎంతో భావోద్వేగంతో మాట్లాడారని అన్నారు. ఆయన వ్యాఖ్యలను వక్రీకరించడం తప్పని, నానిని ఎవరూ తప్పుగా అర్థం చేసుకోకూడదని తెలిపారు. ‘శ్యామ్ సింగరాయ్’ సక్సెస్ మీట్ లో దిల్ రాజు పాల్గొని మాట్లాడారు. ఏపీ ప్రభుత్వం సినిమా టికెట్ ధరలు తగ్గించి ప్రేక్షకులను అవమానించిందని హీరో నాని ఓ ప్రెస్ మీట్ లో అన్నారు. ఏపీలోని థియేటర్ల కంటే పక్కన ఉన్న కిరాణా షాపుల కలెక్షన్ ఎక్కువగా ఉందని నాని చేసిన వ్యాఖ్యలు వివాదాస్పదం అయ్యాయి. ఈ నేపథ్యంలో దిల్ రాజు ఆ వ్యాఖ్యలపై క్లారిటీ ఇచ్చారు.
|
|