ఎన్టీఆర్ చేతులమీదుగా 'రౌడీ బాయ్స్' ట్రైలర్ విడుదల
cinema | Suryaa Desk | Published : Sat, Jan 08, 2022, 07:12 PM
నేడు ఎన్టీఆర్ చేతులమీదుగా 'రౌడీ బాయ్స్' ట్రైలర్ విడుదల చేయబడింది. ఆశిష్, అనుపమ పరమేశ్వరన్ జంటగా శ్రీహర్ష కొనుగంటి దర్శకత్వంలో తెరకెక్కిన చిత్రం 'రౌడీ బాయ్స్'. తాజాగా ఈ చిత్ర ట్రైలర్ ను టాలీవుడ్ అగ్రహీరో జూనియర్ ఎన్టీఆర్ ఆవిష్కరించారు. ట్రైలర్ వీడియోను సోషల్ మీడియాలో షేర్ చేసిన ఎన్టీఆర్.. ట్రైలర్ చూస్తుంటే హిట్ అనిపించేలా ఉందని అభిప్రాయపడ్డారు. ఈ సినిమాతో హీరోగా వెండితెరకు పరిచయం అవుతున్న ఆశిష్కి అభినందనలు. నిర్మాతలు దిల్ రాజు, శిరీష్, దర్శకుడు శ్రీహర్ష, హీరోయిన్ అనుపమ, ఇతర నటీనటులు ఎన్టీఆర్ గుడ్ లక్ చెప్పారు.
శ్రీ వెంకటేశ్వర క్రియేషన్స్ బ్యానర్పై దిల్ రాజు, శిరీష్లు 'రౌడీ బాయ్స్' చిత్రాన్ని నిర్మించారు. కాలేజీ నేపథ్యంలో సాగే యూత్ఫుల్ కథాంశంతో రూపొందిన ఈ చిత్రం జనవరి 14న ప్రేక్షకుల ముందుకు రాబోతోంది. ఈ చిత్రానికి దేవి శ్రీ ప్రసాద్ సంగీతం అందించారు.
|
|