మూవీ రివ్యూ: ‘ఈటి’

సూర్య - ప్రియాంక అరుళ్ మోహన్ హీరో హీరోయిన్లుగా .. వినయ్ రాజ్, సత్యరాజ్ కీలక పాత్రల్లో నటిస్తున్న చిత్రం వినయ్ ఏటి. ఈ సినిమా ఈరోజు విడుదలైంది.
కథ: కృష్ణ మోహన్ (సూర్య) క్రిమినల్ లాయర్. ఆడపిల్లలకు గౌరవం ఇవ్వాలని కోరుకునే కుటుంబంలో పుట్టిన కృష్ణ మోహన్ అదిర (ప్రియాంక అరుల్ మోహన్)తో ప్రేమలో పడతాడు. అయితే ఆమె ఊరు, కృష్ణమోహన్ ఊరు మధ్య కొన్ని గొడవలు జరిగాయి. దాంతో వీరి ప్రేమకు కొన్ని సమస్యలు వస్తున్నాయి. మరోవైపు కమేష్ (వినయ్) కృష్ణ మోహన్ పల్లెటూరి అమ్మాయిలను టార్గెట్ చేస్తాడు. మరి కమేష్ నుండి కృష్ణ మోహన్ తన పల్లెటూరి అమ్మాయిలను ఎలా కాపాడాడు? ఈ క్రమంలో కృష్ణమోహన్ కు వచ్చిన అడ్డంకులు ఏమిటి? అనేది మిగతా కథ.

ప్లస్ పాయింట్స్ : కృష్ణ మోహన్ పాత్రలో సూర్య అద్భుతంగా నటించాడు. పాత్రకు తగ్గట్టుగా తన లుక్, బాడీ లాంగ్వేజ్ మార్చుకోవడం విశేషం. కొన్ని కీలక సన్నివేశాల్లో సెటిల్డ్ పెర్ఫార్మెన్స్ తో చాలా సహజంగా నటించి సినిమాకు హైలైట్ గా నిలిచాడు. హీరోయిన్ గా నటించిన ప్రియాంక అరుల్ మోహన్ తన గ్లామర్ తో పాటు అమాయకమైన నటనతో ఆకట్టుకుంది. హీరో తండ్రిగా నటించిన సత్యరాజ్ ఎప్పటిలాగే తన నటనతో ఆకట్టుకున్నాడు. చనిపోయిన కూతురి కోసం రోదించే సగటు తండ్రిగా నటించిన తీరు ఎమోషనల్ గా ఆకట్టుకుంటుంది. మిగతా నటీనటులు కూడా తమ పాత్ర పరిధి మేరకు బాగా చేసారు. కొన్ని సన్నివేశాల్లో తమ మ్యానరిజమ్‌తో బాగా నవ్వించారు. సెకండాఫ్‌లో కొన్ని ఎమోషనల్ సీన్స్ చాలా చక్కగా చూపించారు.

మైనస్ పాయింట్స్ : అమ్మాయిలపై జరుగుతున్న అఘాయిత్యాల గురించి దర్శకుడు పాండిరాజ్ మంచి స్టోరీ లైన్ తీసుకున్నా పూర్తిగా ఆకట్టుకునే కథను రాయలేదు. హీరో, విలన్ల మధ్య ఘర్షణ దాకా సాగే సన్నివేశాలు కాస్త సినిమాటిక్‌గా అనిపిస్తాయి. కుటుంబ బంధాలు బాగా ఎలివేట్ అయినప్పటికీ లవ్ ట్రాక్ ఎలివేట్ అయ్యే ఛాన్స్ ఉంది కానీ దర్శకుడు లవ్ ట్రాక్ ని ఎందుకు పూర్తిగా ఉపయోగించుకోలేదు. ముఖ్యంగా సినిమాలో తమిళ నేటివిటీకి ప్రాధాన్యత ఉంది. కళాకారుల హావభావాల్లో తమిళ పరిమళాలు స్పష్టంగా కనిపిస్తున్నాయి. ఫస్ట్ హాఫ్‌లోని కొన్ని సన్నివేశాలు బాగా సాగదీశాయి.
రేటింగ్ : 2.5/5.