వైరలవుతున్న ఆరాధ్య బచ్చన్ వీడియో.... దండం పెడుతూ అభిషేక్
cinema | Suryaa Desk | Published : Mon, Mar 14, 2022, 03:36 PM
ఆరాధ్య బచ్చన్... బాలీవుడ్ ప్రముఖ నటుడు,బిగ్ బి కుమారుడు అభిషేక్ బచ్చన్,మాజీ ప్రపంచ సుందరి, బాలీవుడ్ అందాల నటి ఐశ్వర్య రాయ్ బచ్చన్ ల గారాల పట్టి. అమితాబ్ బచ్చన్, జయబాధురిల ముద్దుల మనుమరాలు. తల్లితండ్రులతో పాటూ షికార్లకు వెళుతూ అప్పుడప్పుడూ మీడియా కంటికి చిక్కుతునే ఉంటుంది ఆరాధ్య.
తాజాగా ఆరాధ్య వీడియో ఒకటి నెట్టింట్లో వైరలవుతుంది. ఆ వీడియో లోఒక ఆన్లైన్ ఎలక్యూషన్ లో భాగంగా ఆరాధ్య హిందీ లిటరేచర్, పోయెట్రీ మీద స్పీచ్ ఇస్తుంది. ఈ చిన్నారి చెప్పిన విధానం,ఆమె హావభావాలు, భాష పలికిన తీరు చూసి ప్రేక్షకులు ముగ్ధులైపోతున్నారు. ఆరాధ్య ముత్తాత హరివంశ్ రాయ్ బచ్చన్ ను తలపిస్తుందని కొందరు ఆయన్ని గుర్తు చేసుకుంటున్నారు.
వైరలవుతున్న ఈ వీడియో ఆరాధ్య తండ్రి అభిషేక్ వరకు వెళ్లినట్టుంది. ఆరాధ్య ఫ్యాన్ పేజీ లో పోస్ట్ చేసిన ఈ వీడియో కి రిప్లై ఇస్తూ అభిషేక్ నమస్కరిస్తున్న చేతుల ఎమోజిని పెడుతూ ట్వీట్ చేసాడు.
|
|