అద్దం చూసుకోవడానికి 6 నెలల పాటు భయపడ్డాను: విద్యా బాలన్
cinema | Suryaa Desk | Published : Sat, Mar 19, 2022, 12:07 AM
విద్యాబాలన్ .. బాలీవుడ్ స్టార్ హీరోయిన్స్ లో ఒకరు. ఆత్మవిశ్వాసానికి ప్రతీకగా ఆమె కనిపిస్తుంటారు. ఆమె అంత నిండుగా .. నిబ్బరంగా ఎందుకు అనిపిస్తారో ఆమె మాటలు విన్న తరువాత అర్థమవుతుంది. తన తాజా చిత్రమైన 'జల్సా' సినిమా ప్రమోషన్స్ లో మాట్లాడుతూ, తన కెరియర్ ఆరంభంలో ఎదురైన సంఘటనలను గురించి ఆమె ప్రస్తావించారు. కొంతమంది నిర్మాతలు తమ సినిమాల్లో నాకు అవకాశం ఇచ్చేవారు. ఆ తరువాత ఆ ప్రాజెక్టు నుంచి నన్ను తప్పించేవారు. ఆ విషయాన్ని ముందుగా నాకు చెప్పకపోవడం .. ఒక నోటీస్ పంపించకపోవడం నాకు చాలా బాధ కలిగించేది. ఒక నిర్మాత నా రూపాన్ని గురించి చాలా దారుణంగా మాట్లాడాడు. ఆ తరువాత అద్దం చూసుకోవడానికి 6 నెలల పాటు భయపడ్డాను. ఇలాంటి అవమానాలు ఎదురైనప్పుడు రోడ్డు మీద ఏడుస్తూ అలా నడుచుకుంటూ వెళ్లిపోయేదానిని. అలా ఎంతదూరం నడిచేదానినో నాకే తెలియదు. నన్ను అవమానించినవారే నేను స్టార్ ను అయిన తరువాత నా డేట్స్ కోసం వస్తే ఇవ్వనని చెప్పాను. నిజం చెప్పాలంటే ఈ రోజున నేను ఇంత స్ట్రాంగ్ గా ఉండటానికి కారణం ఆనాటి అవమానాలే" అని చెప్పుకొచ్చారు.
|
|